Ndege iliyotumiwa na Joho, Junet kusafiri Dubai kugharimu zaidi ya KSh

– Safari ya Joho na Junet kumuona Baba Dubai ilikuwa ya kifahari ndani ya ndege ambayo hutoza mamilioni

– Kuna madai kuwa safari hiyo ilitumia fedha za mlipa ushuru kutoka bajeti ya Ikulu

– Kwa saa moja ndege hiyo hutoza KSh1.3M bila vinywaji au vyakula vya wateja walioabiri

Gavana wa Mombasa Hassan Joho na mbunge wa Suna Mashariki Junet Mohammed waliwasili Dubai kumuona kinara wa ODM Raila Odinga baada ya kufanyiwa upasuaji.

Wawili hao waliondoka Mombasa Alhamisi, Julai 9 wakiabiri ndege la kifahari ambalo hugharimu takriban KSh 1.3M kwa kila saa.

Habari Nyingine: Ngome ya kisiasa ya Rais Uhuru Kenyatta yaendelea kupasuka

Hassan Joho na Junet Mohammed walipokuwa safarini kuenda kumuona Baba Dubai. Picha: Junet Mohammed
Source: Facebook

Ilikuwa wazi kuwa Raila alifurahia kutembelewa na vijana wake wa kisiasa baada ya kuwa ughaibuni kwa wiki mbili kupata matibabu.

Raila alisafiri nchini humo kupokea matibabu ya upasuaji baada ya tatizo la mgongo kulingana na familia yake.

“Nimewapokea Gavana Hassan Joho na kiranja wa wachache Junet Mohammed,” Raila alisema kupitia ukurasa wake wa Facebook.

Habari Nyingine: Maswali yaibuka kuhusu picha ya Gavana Joho

Safari ya wawili hao itawagharimu zaidi ya milioni 13 kwa kulingana na ada ambayo ndege hiyo hutoza kwa kila saa moja.

Duru zinaarifu wawili hao walipanga safari hiyo ya kifalme kwa Baba ili kurejea naye humu nchini Jumapili, Julai 12.

Aidha runinga ya NTV ilisema kuna ripoti kuwa safari hiyo inalipwa kwa kutumia mkoba wa mlipa ushuru.

Habari Nyingine: Baba ni baba: Gavana Joho, Junet wafunga safari hadi Dubai kumuona Raila Odinga

Kuna ripoti kuwa safari ya Gavana Hassan Joho na Junet Mohammed kuenda kumuona Baba Dubai ililipwa na Ikulu.
Source: UGC

Duru ziliarifu runinga hiyo kuwa bajeti ya Ikulu ndio ilitumika kugharamia safari hiyo ya kumleta Baba nyumbani.

Juhudi za TUKO.co.ke kuwasiliana na msemaji wa Ikulu Kanze Dena kuhusu ripoti hiyo hazikufaulu.

Raila na Rais Uhuru Kenyatta wamekuwa na urafiki mpya wa kisiasa tangu wafanye mkataba wa handisheki.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.