Purity Ngirici apoteza wadhifa wake kama mwenyekiti wa KEWOPA

– Mwakilishi wa wanawake kaunti ya Kirinyaga Purity Ngirici amepoteza wadhifa wake kama Mwenyekiti KEWOPA

– Hii ni baada ya wanachama wake ambao ni wanawake bungeni kupiga kura na kumuondoa wakilalamikia uongozi wake duni

– Masaibu yake yanatokana na kushiriki mchakato mzima wa kumtimua Gavana Anne Waiguru afisini

Mwakilishi wa wanawake kaunti ya Kirinyaga Purity Ngirici amepoteza wadhifa wake kama Mwenyekiti wa Chama cha Wabunge wa Kike (KEWOPA).

KEWOPA ni shirika la wabunge wote wanawake kutoka vyama vyote vya siasa waliochaguliwa na walioteuliwa katika Seneti na Bunge la Kitaifa.

Habari Nyingine: COVID-19: Wizara yatangaza visa vipya 183 idadi jumla ikifika 8,250

Wabunge 65 kati ya 97 wa kike walipiga kura na kumuondoa Ngirici kama mweyekiti wa KEWOPA. Picha: Purity Ngirici.
Source: Facebook

Mnamo Jumanne, Julai 7, wabunge 65 kati ya 97 walipiga kura kumuondoa Ngirici kama mwenyekiti wa kamati hiyo na nafasi yake kuchukuliwa na mwakilishi wa wanawake kaunti ya Kiambu Gathoni wa Muchomba.

Wabunge wa KEWOPA walimshtumu Ngirici kwa uongozi duni katika chama hicho kando na kushindwa kulinda masilahi ya wanawake katika uongozi.

Naibu wake atakuwa mwakilishi wa wanawake kaunti ya Kisumu Roza Buyu akisaidiwa na seneta mteule Millicent Omanga.

Habari Nyingine: Shule kufunguliwa Januari 2021

Habari Nyingine: Mchekeshaji Othuol Othuol aruhusiwa kuondoka hospitalini

Mnamo Juni 13, Andrew Ngirici alihojiwa kwa saa mbili na maafisa wa kituo cha Mwea Mashariki.

Alikuwa ametishia kuandaa maandamano iwapo seneti itafanya maamuzi ya kuandaa kamati ya wawakilishi 11 kumpiga msasa Waiguru na kusikiza malalamishi dhidi yake.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.