Rais Uhuru asema wakili Miguna yuko huru kurejea Kenya ▷ Kenya News

– Kiongozi wa taifa alisema Miguna ataruhusiwa kurejea nchini lakini kutumia uhuru wake wa kujieleza kueneza amani na umoja miongoni mwa Wakenya

– Rais alisema serikali yake itatoa uhuru kwa Wakenya wote kama ilivyopiganiwa na viongozi waliotangulia

– Miguna alitangaza kufanya jaribio lake la tatu ya kuingia nchini kupitia ukurasa zake za mtandao jamii siku ya Alhamisi, Desemba 19

– Wakili huyo alifurushwa kwa mara ya kwanza Februari 2018 baada ya kumuapisha kiongozi wa ODM Raila Odinga kama rais wa watu

Rais Uhuru Kenyatta amesema wakili aliyefurushwa nchini Miguna Miguna yuko huru kurejea Kenya kwani ni haki yake Kikatiba.

Kiongozi wa taifa alisema Miguna ataruhusiwa kurejea nchini lakini kutumia uhuru wake wa kujieleza kueneza amani na umoja miongoni mwa Wakenya.

Habari Nyingine: Akothee amzawadi mfuasi wake bora wa mwaka kwenye YouTube KSh 30,000

Rais Uhuru amesema wakili Miguna Miguna yuko huru kurejea Kenya.
Source: Facebook

Habari Nyingine: Serikali yamtolea wakili Miguna masharti makali kabla ya kuruhusiwa kuingia nchini

Akizungumza katika hafla ya mazishi ya mwanasiasa mkongwe Charles Rubia katika Kaunti ya Murang’a mnamo Jumatatu, Desemba 30, Uhuru alisema serikali yake itatoa uhuru kwa Wakenya wote kama ilivyopiganiwa na viongozi waliotangulia.

“Hakuna mtu ambaye amezuiwa kusema yale anayotaka kusema. Ata nasikia kuna wengine wanataka kupanda ndege warudi..waendelee..hio ni uhuru wao,” alisema kiongozi huyo wa chama cha Jubilee.

Wakili Miguna anatazamiwa kuingia nchini Jumanne 7, Januari 2020.
Source: UGC

Habari Nyingine: Mbunge Aden Duale adokezea kustaafu siasa DP Ruto akichukua uongozi 2022

Wakili huyo alitangaza kuwa atarejea nyumbani kupitia ukurasa zake za utandawazi siku ya Alhamisi, Desemba 19.

“Narejea nyumbani. Haki ya kuzaliwa, Haki ya Katiba na amri ya korti. Mabadiliko kwa ushawishi. Nitawasili: Jumanne, Januari 7, 2020 mwendo wa saa tatu na dakika 25 usiku kupitia ndege ya Lufthansa LH 590,” aliandika Miguna kwenye Twitter.

Habari Nyingine: Mwimbaji staa wa Bongo Harmonize kuwania kiti cha ubunge 2020

Wakili huyo alifurushwa kwa mara ya kwanza Februari 2018 baada ya kumuapisha kiongozi wa ODM Raila Odinga kama rais wa watu mnamo Jumanne, Januari 30 katika bustani ya Uhuru.

Mnamo Machi 2018, juhudi zake za kuingia nchini ziliambulia patupu huku serikali ikisema kwamba aliasi uraia wake wa Kenya ili kuwa raia wa Canada.

Huku akimjibu Uhuru, Miguna alisema kuwa atafuata sheria.

“Uhuru na haki za Wakenya kulingana na katiba ya Kenya ya 2010 inatakiwa kufurahiwa na kuendelezwa kwa uhuru bila kuathiriwa na Serikali. Hakuna atakaye wafunza Wakenya namna haki na uhuru zitatimizwa. Tutafanya hivyo kisheria,” aliandika Miguna mnamo Jumatatu, Desemba 19 mchana.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.