Saladi ya kuku, jibini na vipande vya nanasi – Taifa Leo

MAPISHI KIKWETU: Saladi ya kuku, jibini na vipande vya nanasi

NA MARGARET MAINA

[email protected]

Muda wa kuandaa: Dakika 5

Muda a mapishi: Dakika 20

Walaji: 2

Vinavyohitajika

• nyama ya kuku 1/2 kilo isiyo na mifupa
• nanasi ya kopo
• jibini ngumu gramu 100
• majani ya lettuce
• mafuta ya mizeituni vijiko 3
• juisi ya limau kijiko 1
• sosi ya Soy vijiko 2
• pilipili

Utaratibu

Katakata kuku vipande vidogo kisha weka pembeni.

Kaanga minofu hiyo ya kuku kwa dakika tatu kwenye mafuta yaliyoko ndani ya sufuria juu ya moto mkali kisha ongeza sosi ya soya. Punguza moto na endelea kukaanga huku ukikoroga mara kwa mara, kwa dakika nyingine tatu.

Osha majani ya lettuce vizuri. Kausha na uikate vipande vipande.

Kata nanasi kwa vipande vidogovidogo. Jibini pia inaweza kukatwa au kukwanguliwa.

Changanya mafuta, maji ya limau na pilipili.

Changanya kuku, majani ya lettuce, na vipande vya nanasi kisha mwagilia juu mchanganyiko wa maji ya limau, pilipili na mafuta.

Pakua na ufurahie.