Serikali yataka unyanyapaa dhidi ya wagonwja wa coronavirus kukoma

– Watu 497 walipatwa na virusi vya Covid-19 Jumanne, Julai 14 baada ya sampuli 4922 kufanyiwa ukaguzi

– Watu watano wamefariki na kufikisha idadi ya walioangamizwa kuwa 202

– Serikali imetaka kusiwe na unyanyapaa dhidi ya wale ambao wameambukizwa virusi hivyo

Watu zaidi wanazidi kupatwa na maambukizi ya Coronavirus siku chache baada ya Rais Uhuru Kenyatta kutangaza kufunguliwa kwa usafiri nchini.

Katibu Msimamizi katika Wizara ya Afya Mercy Mwangangi Jumanne, Julai 14 alisema watu 497 walipatwa na virus hivyo baada ya sampuli 4922 kufanyiwa ukaguzi.

Habari Nyingine: Wajenzi wahepa mjengo baada ya mkuu wa NMS kuingia kijeshi eneo la Parklands

Katibu Msimamizi wizara ya Afya Mercy Mwangangi. Alitangaza watu 497 wamepatwa na virusi vya Covid-19 Jumanne Julai 14. Picha: MoH
Source: UGC

Ripoti hiyo sasa inafikisha idadi ya maambukizi Kenya kufikia watu 10,791. tangu kisa cha kwanza mwezi Machi.

Aidha, wagonjwa watano pia wamefariki na Mwangangi aliwataka Wakenya kuhakikisha wanajilinda dhidi ya maambukizi.

Habari Nyingine: Mhubiri aliyekula mmoja wakondoo wake kanisani apatikana ameuawa

Mercy Mwangangi alitaka Wakenya kuepuka kuwaonyesha unyanyapaa walioangamizwa Covid-19. Picha: MoH
Source: UGC

“Ugonjwa huu unaweza kumpata mtu yeyote. Ni muhimu tuweze kujilinda na tuondoe unyanyapaa kwa wale waliopata virusi hivyo,” alisema Mwangangi.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.