Simanzi,mtoto wa miaka 8, adondoka kutoka orofa ya tatu na kufariki.

-Andy Rawlins Waudo alikuwa anacheza nje ya ‘balcony’ ya nyumba yao iliyoko kwenye orofa ya tatu wakati alianguka

– Alikimbizwa katika Hospitali ya Kemrif iliyoko ndani ya mtaa huo ambapo alithibitishwa kufariki

-Mwili wa mvulana huyo ulihamishwa hadi Hifadhi ya Hospitali ya Chuo Kikuu cha Kenyatta kwa upasuaji

Familia moja inaomboleza baada ya mtoto wao kuanguka kutoka kwa orofa ya tatu mtaani Lucky Summer, jijini Nairobi siku ya Jumamosi, Julai 11.

Kulingana na familia hiyo, Andy Rawlins Waudo alikuwa anacheza nje ya ‘balcony’ ya nyumba yao iliyoko kwenye orofa ya tatu wakati alianguka.

Habari Nyingine: Uasin Gishu: Washukiwa wawili wa kigaidi wakamatwa na vifaa vya kutengeza bomu

Picha ya jumba la kukodisha umoja.Waudo alikuwa anacheza nje ya ‘balcony’ ya nyumba yao iliyoko kwenye orofa ya tatu wakati alianguka.
Source: UGC

Habari Nyingine: Jamaa asifiwa kumdaka mtoto aliyerushwa kutoka orofa ya tatu ya jumba lilokuwa linateketea

Alikimbizwa katika Hospitali ya Kemrif iliyoko ndani ya mtaa huo ambapo alithibitishwa kufariki punde alipowasili hospitali humo.

Kisha mwili wa mvulana huyo ulihamishwa hadi Hifadhi ya Hospitali ya Chuo Kikuu cha Kenyatta kwa upasuaji.

Alikimbizwa katika Hospitali ya Kemrif iliyoko ndani ya mtaa huo ambapo alithibitishwa kufariki. Picha: UGC.
Source: Depositphotos

Habari Nyingine: Tajiri anayemiliki Hoteli ya Jiweke Tavern, John Keige azirai na kuaga dunia nyumbani

Polisi waliotembelea eneo la tukio walikitaja kisa hicho kama ajali lakini kuelezea kuwa uchunguzi umeanzishwa kuhusiana na tukio hilo.

Katika taarifa tofauti na hiyo, mwanamume mmoja alisifiwa sana mitandaoni kwa ujasiri wake wa kuokoa maisha ya mtoto mchanga nchini Marekani.

Phillip Blanks mwenye miaka 28, alisifiwa baada ya kukimbia na kumdaka mtoto aliyerushwa kutoka jumba lenye orofa tatu ambalo lilikuwa linateketea mnamo Ijumaa, Julai 3.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.