Usafiri wa treni ya kisasa ya SGR kurejea tena Jumatatu, Julai 13

Waziri wa Uchukuzi James Macharia ametangaza kuwa safari za treni ya kisasa ya SGR zitang’oa nanga rasmi Jumatatu, Julai 13

Hii ni kufuatiwa hatua ya serikali kufungua mipaka ya kaunti ya Mombasa, Nairobi na Mandera Jumatatu, Julai 6.

Habari Nyingine: Homa Bay: Madiwani 2 washtakiwa kwa kuwavamia na kuwaibia wenzao wakiwa wamejihami

Usafiri wa treni ya SGR kurejea Jumatatu, Julai 13
Source: Facebook

Habari Nyingine: Mama awatupa wanawe 3 Mto Nzoia kabla ya kujirusha

Akizungumza na wanahabari Jumatano, Julai 8, Macharia alisema treni ya kwanza itaondoka jijini Nairobi saa mbili asubuhi na itatarajiwa kufika Mombasa majira ya saa sita na dakika 45 mchana.

Treni hiyo vile vile itaondoka Mombasa saa saba na dakika 25 na inatarajiwa kufika Nairobi mwendo wa saa kumi na mbili na dakika 40, saa ambazo zitawawezesha abiria kufika makwao kabla ya kafyu kuanza.

Macharia alisema maafisa 10 watakuwa kwenye treni hiyo wakiwaelekeza abiria jinsi ya kuzingatia amri ya kutokaribiana.

Habari Nyingine: Walimu wamegeuka waporaji, Abduba Dida asema

Aidha, Macharia alisema tahadhari zote za kuzuia kusambaa kwa maambukizi ya virusi vya COVID-19 yatafuatwa kwa kina.

Afisa mwingine wa ziada atakuwa akiwashughulikia wagonjwa watakaonyesha dalili zozote za kuwa na virusi vya COVID-19.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke