Vibanda vya wafanyabiashara wa Soko la Gikomba vyaharibiwa usiku.

-Ubomoaji huo ulitekelezwa chini ya ulinzi mkali wa polisi ili kupenyeza mwanya wa ujenzi wa barabara

-Katika picha, waathiriwa walionekana wakitazama kwa huzuni shughuli hiyo bila kutambua cha kufanya

-Haya yanakujia wiki mbili baada ya moto mkubwa kuteketeza sehemu ya soko hilo

Baadhi ya wafanyabiashara wa Soko la Gikomba, jijini Nairobi, waliamka Jumanne, Julai 14 asubuhi, na kupata vibanda vyao vimebomolewa, wiki mbili baada ya moto mkubwa kuteketeza sehemu ya soko hilo.

Ubomoaji huo ulitekelezwa chini ya ulinzi mkali wa polisi ili kupenyeza mwanya wa ujenzi wa barabara katika eneo hilo.

Habari Nyingine: Ajenti amfungia mama na mwanawe ndani ya nyumba kwa kuchelewa kulipa kodi

Habari Nyingine: Kachero ajiteketeza moto baada ya kukorofishana na mumewe

Katika picha na video zilizosambazwa mitandaoni, waathiriwa walionekana wakitazama kwa huzuni shughuli hiyo bila kutambua cha kufanya.

Huku baadhi ya Wakenya mitandaoni walihusisha hatua hiyo na mto mkubwa ulioshuhudiwa katika soko hilo mnamo Alhamisi, Juni 25.

Habari Nyingine: Moto mkubwa wateketeza soko la Gikomba

Moto huo uliteketeza sehemu ya soko hilo huku vibanda vya nafaka na vya kuweka nguo za mitumba vikiathirika pakubwa.

Chanzo cha moto huo hakukubainika lakini Wakenya ambao wamekuwa wakishuhudia tukio hilo kila mara wameelekeza kidole cha lawama kwa wanyakuzi wa ardhi jijini.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.