Viongozi wa kanisa wazidi kuzuru DP Ruto nyumbani kwake Karen

– DP Ruto alituma ujumbe wa matumaini akisema kuteseka ni kwa muda tu kabla ya SImba wa Yuda kuwasaidia watu wake

– Ujumbe wa Ruto ulijiri wakati ambapo Wakenya wanapitia janga la coronavirus huku akipitia mawimbi ya kisiasa

– Ujumbe wake ulizua hisia mseto za kisiasa kutoka kwa wanamtandao wa Tangatanga na Kieleweke

Naibu Rais William Ruto Alhamisi, Julai 2 alitoa ujumbe wa kuwapa uvumilivu wanaopitia hali ngumu akisema ni kwa muda tu.

Ruto alikuwa amekutana na kundi la viongozi wa kanisa kutoka eneo la Mt Kenya nyumbani kwake Karen.

Habari Nyingine: Lilian Muli ajivunia maisha yake, asema ni kama filamu

DP William Ruto alipokutana na viongozi wa kanisa nyumbani kwake Karen. Picha: William Ruto
Source: Facebook

Ruto alinukuu kitabu kitakatifu katika maandiko ya Petro wa kwanza 5:10 ambapo Wakristo wanatakiwa wawe wavumilivu wakati wa mawimbi.

Maandiko ya Petro inawataka wasihofu yote yanayofanyika kwani baadaye anawaahidi kuwa Simba wa Yuda atawaondolea yote

“Na mkisha kuteseka kitambo kidogo, Mungu wa neema yote ambaye amewaita katika utukufu wake wa milele katika Kristo, yeye mwenyewe atawa kamilisheni na kuwathibitisha na kuwatia nguvu,” aliandika DP Ruto kwenye ukurasa wake wa Facebook

Habari Nyingine: Rais Uhuru azawadi Nzoia Sugar FC basi jipya na KSh2M za kujikimu

DP alisema alikuwa ameshiriki maombi ya asubuhi pamoja na watumishi wa Bwana kutoka kanisa la PCEA na ACK kutoka Mt Kenya wakiongozwa na askofu Charles Muturi. Picha: William Ruto
Source: Facebook

DP alisema alikuwa ameshiriki maombi ya asubuhi pamoja na watumishi wa Bwana kutoka kanisa la PCEA na ACK kutoka Mt Kenya wakiongozwa na askofu Charles Muturi.

Haikufahamika mateso aliyokuwa akizungumzia DP Ruto kwenye ujumbe wake lakini kipindi hiki Wakenya wanapitia hali ngumu ya maisha kutokana na janga la covid-19.

Yeye pia amekuwa na kipindi kigumu cha kisiasa huku nyumba yake ikiendelea kuporomoka baada ya Rais Uhuru Kenyatta kuonekana kuwaangushia bakora wandani wake.

Habari Nyingine: Mama mwenye mimba ya miezi 8 anyofoa nyeti za mumewe kufuatia ugomvi nyumbani

Ujumbe wake ulizua hisia mseto mara moja kutoka kwa wanamtandao wengi wakichukua mrengo wa kisiasa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.