Wabunge 6 marafiki wa DP Ruto kufika mbele ya kamati ya nidhamu

– Wabunge sita wa Jubilee watashtakiwa mbele ya kamati ya nidhamu kwa kumkosea heshima kiongozi wa chama

– Baadhi yao ni Sudi na Kuria ambao wanadaiwa kumpaka tope Uhuru Kenyatta kwenye umma

– Ni vita vya pili ndani ya Jubilee baada ya ile iliyowalenga wandani wa DP ndani ya bunge

Mbunge wa Gatundu Kusini Moses Kuria na mwenzake wa Kapseret Oscar Sudi ni baadhi ya viongozi wa chama cha Jubilee ambao wameitwa mbele ya kamati ya nidhamu.

Wengine ni Kimani Ngunjiri wa Bahati, Caleb Kositany wa Soy, Rigathi Gachagua (Mathira) na Alice Wahome wa Kandara.

Habari Nyingine: Zawadi ya kumtwanga Ruto: Wakosoaji wa DP waliopewa nyadhifa kwenye kamati za bunge

Jubilee inapanga kuwatimua wabunge sita wanaodaiwa kuwa waasi. Moses Kuria ni mmoja wa wale ambao wanalengwa. Picha: Moses Kuria
Source: Facebook

Sita hao wanadaiwa kupaka tope chama hicho na wametakiwa kufika mbele ya kamati hiyo kujitetea.

Kulingana na wadokezi waliozungumza na gazati la Standard, viongozi hao wanashtakiwa kumkosea heshima kiongozi wa chama Uhuru Kenyatta.

“Tunapanga kuwatimua wabunge sita na hivi karibuni wataitwa mbele ya kamati ya nidhamu kusomewa mashtaka,” alisema mdokezi.

Habari Nyingine: Seneta Sakaja alala ndani baada ya kunaswa akibugia pombe usiku

Mbunge Oscar Sudi. Sudi alisema hatishwi na yeyote ndani ya Jubilee. Ni mmoja wa wale ambao wamepangiwa kufika mbele ya kamati ya nidhamu ya Jubilee. Picha: Oscar Sudi
Source: UGC

Kositany, ambaye pia ni naibu katibu wa chama, alisema yuko tayari kukutana na kamati hiyo lakini akasema mashtaka dhidi yake yafanyike kwenye umma.

“Sina habari kuhusu hatua hiyo lakini naweza kuwaambia wamechelewa, wangekuwa wamefanya hivyo.

“Ombi langu tu ni kuwa mashtaka hayo yaskizwe kwenye umma,” aliongeza naibu huyo wa katibu wa chama Raphael Tuju.

Habari Nyingine: Zawadi ya kumtwanga Ruto: Wakosoaji wa DP waliopewa nyadhifa kwenye kamati za bunge

Naibu katibu wa Jubilee Caleb Kositany na Naibu Rais William Ruto. Picha: Caleb Kositany
Source: Facebook

Sudi kwa upande wake alisema hawezi kutishwa na mtu yeyote na ataendelea kumshtumu Rais kila anapokwenda kinyume.

“Sina kitu cha kuhofia au kuomba msamaha nikiitwa. Mimi si wa kutishwa,” alisema Sudi

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.