Wafanyakazi 3 wa UON waangamizwa na virusi vya COVID-19, chansela adai

-Naibu Chansela wa Chuo Kikuu cha Nairobi (UoN), Stephen Kiama alithibitisha kuwa wafanyakazi watatu wa chuo hicho walimalizwa na COVID-19

– Kiama alisema wahasiriwa hao walikuwa wakifanyia kazi zao nyumbani huku wengine wawili wakigunduliwa kuwa na virusi hivyo

-Wizara ya Afya ilitangaza Jumatano, Juali 15, kuwa watu wengine 7 walifariki dunia kutoka na virusi hivyo na kufanya idadi ya vifo kufikia 209.

Naibu Chansela wa Chuo Kikuu cha Nairobi (UoN), Stephen Kiama alithibitisha siku ya Jumatano, Juali 15, kuwa wafanyakazi watatu wa chuo hicho waliangamizwa na virusi vya corona.

Kiama alisema wahasiriwa hao walikuwa wakifanyia kazi zao nyumbani huku wengine wawili wakigunduliwa kuwa na virusi hivyo.

Habari Nyingine: Anayetuhumiwa kwa kujifanya kamanda wa polisi awashtumu polisi kwa kumuibia KSh72,000

Naibu Chansela wa Chuo Kikuu cha Nairobi (UoN), Stephen Kiama. Picha:UGC.
Source: UGC

Habari Nyingine: Mhadhiri wa Chuo Kikuu cha Nairobi, Maurice Kizito Mangoli amalizwa na COVID-19

Naibu Chansela huyo alisisitiza kuwa ni lazima wafanyakazi wote wafanyie kazi zao nyumbani nao wenye miaka 58 na zaidi wachukue likizo.

“Tunaendlea kusisitiza kuwa wafanyakazi wafanyie kazi nyumbani.Wale wenye miaka 58 na kuendelea wanaweza kuchukua likizo na kila mmoja ajiweke salama mahali popote alipo,” alisema Kiama.

wafanyakazi watatu wa chuo hicho waliangamizwa na virusi vya corona.Picha:UGC.
Source: UGC

Habari Nyingine: Magazeti ya Alhamisi, Julai 16: Mbunge, majaji wawili ni miongoni waliougua COVID-19 kwa siku 60

Hali hii inakujia wakati vyuo vikuu vinatazamiwa kufungulia mnamo Septemba pamoja na taasisi kama ilivyotangazwa na Wizara ya Elimu.

Aidha, Kiama anadai kuwa wamewasilisha mtazamo wao kuhusu kufunguliwa kwa chuo hicho Septemba ambapo hakutawezana kutokana na kuongezeka maradufu kwa visa vya maambukizi kufikia Novemba.

Kauli ya Kaima inakujia yapata siku chache baada ya Profesa Maurice Kizito Mangoli, mkazi wa Bumula, kumalizwa na na ugonjwa huo wa kupumua akipokea matibabu katika Hospitali ya Nairobi.

Mangoli alikuwa mhadhiri mkuu katika idara ya uhandisi Chuo Kikuu cha Nairobi. Picha:Governor’s Press Service – Bungoma County.
Source: Facebook

Hadi kifo chake, Mangoli alikuwa mhadhiri mkuu katika idara ya uhandisi, Chuo Kikuu cha Nairobi.

Gavana wa Bungoma, Wycliffe Wangamati alimuomboleza kama mwalimu aliyetambuliwa duniani, msomi aliyezuru mataifa mengi na mhandisi mwenye maarifa ambaye jina lake lilipachikwa kwenye miradi nyingi ya ujenzi jijini Nairobi.

Idadi ya walioambukizwa virusi vya COVID- 19 sasa imefikia 11,252 baada ya watu wengine 461 kupatikana na virusi hivyo Jumatano Julai 15.

Wizara ya Afya ilitangaza kuwa watu wengine 7 walifariki dunia kutoka na virusi hivyo na kufanya idadi ya vifo kufikia 209.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.