Wagombea wa urais ndani ya handisheki hawawezani na Ruto

– Manyora amesema mrengo wa handisheki una kibarua kupata mgombea wa kukabiliana na Ruto

– Alisema Ruto i kama kwekwe ambayo humsumbua mkulima kwa uwezo wake kufufuka kila mara

– Mchanganuzi huyo alisema handisheki itapata ushindi tu iwapo mgombea wao atakuwa ni Raila Odinga

Mchanganuzi wa kisiasa Herman Manyora amewataka walio kwenye mrengo wa handisheki kuhakikisha wanacheza kadi zao za kisiasa vizuri la sivyo wapate kichapo 2022.

Mrengo huo wa handisheki unawajumuisha wandani wa Rais Uhuru Kenyatta na wale wa Raila Odinga ambao wanampinga Naibu Rais William Ruto.

Habari Nyingine: Afisa wa kaunti ya Nairobi azikwa Narok baada ya kufariki kutokana na coronavirus

Naibu Rais William Ruto kwenye picha ya awali. Mchanganuzi Herman Manyora amesifu umahiri wake kisiasa. Picha: William Ruto
Source: Facebook

Manyora alisema Ruto ni ndume kisiasa na wasipocheza kadi zao ifaavyo, basi atawashinda kwenye kinyang’anyiro cha urais.

Mchanganuzi huyo alisema kizungumkuti itakuwa kumpata mgombea ambaye ana uwezo wa kupambana na Ruto.

“Mapambano yamekuwa mengi kwa Raila Odinga na magumu. Amepambana na watu wakali na hata kupigana na waliokuwa mamlakani,” alisema mchanganuzi huyo.

Habari nyingine: Magazeti ya Alhamisi, Julai 16: Mbunge, majaji wawili ni miongoni waliougua COVID-19 kwa siku 60

Mchanganuzi Herman Manyora asema mrengo wa handisheki una kibarua kigumu kumpata mgombea wao 2022. Picha: Nation
Source: Facebook

Kulingana naye, ndiye pekee anaweza kupambana na Ruto kwenye debe la urais ifikapo wakati wa Rais Uhuru Kenyatta kustaafu.

“Hakuna vita ambavyo hajapigana nchini. Na kwa hivyo, ni yeye tu anaweza kumshinda Ruto,” alisema Manyora

“Mrengo wa handisheki lazima ujikune kichwa kuhusu mgombea wao kwa sababu DP Ruto ni kama kwekwe ambayo huishi kumsumbua mkulima kwa uwezo wake kufufuka,” aliongeza

Habari Nyingine: Arsenal vs Liverpool: Lacazette na Nelson wanyima Reds ushindi Emirates

Mchanganuzi huyo alisema licha ya presha na vita vya kisiasa ambavyo DP akubana navyo, angali anawika kisiasa.

“Majina mengi yametajwa kuwania urais: Fred Matiang’i, Gideon Moi, Mudavadi, Kalonzo na Raila. Na hata kama Mt Kenya bado hawajasema lolote, jina la Peter Kenneth limependekezwa na baadhi ya watu ndani ya mrengo wa handisheki,”

Kutoka hii orodha, ni mtu mmoja tu anawezana naye – Raila,” aliongeza Manyora.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690

Subscribe to watch new videos