Wagonjwa wengine 278 waongezeka, idadi yagonga 9,726

– Katibu wa kudumu wa Afya Mercy Mwangangi alitoa takwimu hizo akikagua utayari wa kaunti ya Kwale katika kukabiliana na coronavirus

– Kufikia Jumamosi, Julai 11 idadi ya sampuli zilizopimwa tangu virusi vya corona kutua nchini Machi 2020 ilifika 207, 987

– Jimbo la Kwale liliandikisha wagonjwa 139 ambao kwa sasa wote wamepata nafuu isipokuwa 9 ambao wanahudumiwa wakiwa manyumbani mwao

Katibu katika Wizara ya Afya Dkt Mercy Mwangangi amethibitisha kuwa watu 278 wamepatikana na virusi vya corona na kufanya idadi ya walioambukizwa kufikia 9,726.

Akitoa takwimu hizo akiwa kaunti ya Kwale, Mwangangi mnamo Jumamosi, Julai 11 Mwangangi alisema wagonjwa hao walithibitishwa kuambukizwa baada ya sampuli 1,403 kupimwa katika saa 24 zilizopita.

Habari Nyingine: Malkia wa Ohangla Lady Maureen ameaga dunia

Katibu katika Wizara ya Afya Mercy Mwangangi alithibitisha visa vingine 278. Picha: MoH.
Source: UGC

Kufikia sasa Idadi ya sampuli zilizopimwa tangu virusi vya corona kutua nchini Machi 2020 imefika 207, 987.

Watu 99 wamepata nafuu kutokana na Covid-19 na kufikisha idadi ya waliopona kutimia 2,832.

Wagonjwa watatu aidha walifariki dunia katika saa 24 zilizopita na kupandisha idadi ya waliongamizwa 184.

Habari Nyingine: Doreen Lugaliki: Picha za kuvutia za daktari Mkenya aliyeangamizwa na COVID-19

Habari Nyingine: Zaidi ya shule 100 za binafsi kufungwa kufuatia athari za COVID-19

Gavana wa Kwale Salim Mvurya aliwahakikishia wakazi serikali yake imetenga vitanda 340 vya kuwatenga wagonjwa wa homa hiyo kulingana na maagizo ya serikali.

Gavana wa Kwale Salim Mvurya aliwahakikishia wakazi serikali yake imetenga vitanda 340 vya kuwatenga wagonjwa wa homa hiyo kulingana na maagizo ya serikali. Picha: Salim Mvurya.
Source: Facebook

Pia alitangaza kwamba kwa siku za usoni hospitali ya Mswambweni itaanza huduma za kuwapima watu.

Wakati huo Mvurya alitoa shukrani zake kwa wizara ya afya kwa kushirikiana nao na kuisadia katika kuthibiti maambukizi.

Habari Nyingine: Maafisa wa trafiki waagizwa kuondoa vizuizi barabarani

Gavana huyo pia alitoa rambi rambi zake kwa familia ya daktari Adisa Lugaliki ambaye aliangamizwa na homa hiyo Ijumaa, Julai 10.

Aliwahakikishia kuwapa wahudumu wa afya vifaa vya kujikinga na maambukizi ya Covid-19.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.