Wakazi wa Changamwe Mombasa waandamana wakitaka chakula cha msaada

– Waliilaumu serikali ya Gavana Hassan Joho kwa kuwatenga na kuwabagua wakati wa ugavi wa chakula na bidhaa nyingine muhimu

– Walifunga barabara ya Kibarani na kuapa kutatiza shughuli hadi watakapoletewa chakula

– Hata hivyo polisi waliingilia kati na kuwatawanya baada ya maandamano ahyo kusababisha msongamano mkubwa wa magari

– Mnamo Aprili, Joho alikuwa akiitisha chakula na misaada nyingine ili kusaidia familia zisizojiweza wakati huu mgumu wa coronavirus

Wakazi wa Kibarani eneo bunge la Changamwe jimbo la Mombasa waliandamana wakitaka chakula cha msaada na maji kutoka kwa serikali ya kaunti wakati janga la corona likizidi kuumiza wananchi.

Wenyeji hao waliokuwa na hasira waliilaumu serikali ya Gavana Hassan Joho kwa kuwatenga na kuwabagua wakati wa ugavi wa chakula na bidhaa nyingine muhimu kwa familia maskini.

Habari Nyingine: Mahakama ya rufaa yabatilisha uamuzi kuhusu kesi ya kuchaguliwa kwa Mbunge Kibe

Wakazi wa Changamwe waandamana wakilalamikia kunyimwa chakula cha msaada. Picha: Yvonne Mutunga.
Source: Original

Waandamanaji hao walianza maandamano yao Ijumaa, Juni 19 na kusababisha msongamano mkubwa wa magari karibu na Kibarani baada yao kuweka vizuizi barabarani.

“Serikali ya kuanri imekuwa ikitupuuza kwa miezi miwili sasa. Sisi tuna familia. Hatuna kazi kutokana na kufungwa kwa biashara zetu na hivyo inakwa vigumu sisi kupata lishe. Kwa nini sasa tunanyimwa chakula?” David Ochieng mmoja wa waandamaji hao aliwaka.

Habari Nyingine: Mombasa: Mahakama yafungwa baada ya maafisa 11 kuambukizwa COVID-19

Iliwabidi maafisa wa polisi kuingilia kati ili kuwakabili waandamanaji hao na kufungua barabara kuruhusu magari kupita.

Polisi walilazimika kuingilia kati kukabili hali. Picha: TUKO.co.ke.
Source: Original

Licha ya malalamishi hayo, serikali ya kaunti imesalia kimya.

Zoezi la ugavi wa chakula kwa familia zisizojiweza limekubwa na utata huku katika maeneo mengine ikisemekana machifu wanaficha chakula na kuitisha hongo kabla ya kutoa chakula hicho.

Habari Nyingine: Moses Kuria asema Uhuru hatamuunga mkono mgombea yeyote 2022

Kaunti ya Mombasa inshikilia nafasi ya pili baada ya Nairobi katika visa vya coronavirus.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.