Wakenya wamhurumia baada ya kuiona picha yake ya punde

Picha ya baada ya mkutano aliyopigwa wakili matata ambaye ni raia wa Kenya Miguna Miguna akiwa na rafiki yake imewafanya baadhi ya marafiki zake mitandaoni kuhofia hali yake na kuitaka serikali kumruhusu arejee nchini.

Habari Nyingine: Wandani wa DP Ruto waandaa kikao Bungoma

Miguna Miguna akiwa na rafiki yake Jackson Igbinosun katika kituo cha Black Gold Think Tank. Picha: Miguna Miguna
Source: Facebook

Kwenye picha hiyo, Miguna alisimama na rafiki yake Jackson Igbinosun katika kituo cha Black Gold Think Tank.

Lakini kilichowashangaza mashabiki wake ni mwonekano wake, alikuwa na kidevu ambacho siku nyingi hakijakutana na mkasi ama wembe na mwili wake ulikuwa umepungua unene.

Kulingana na wengi, alionekana mzee, aliyechoka sana, na asiye na ukakamavu, na baadhi walitania anakuwa mzee kabla ya kuwakomboa kutoka kwenye meno ya “udikteta”.

Habari Nyingine: COVID-19: Wagonjwa wengine 278 waongezeka, idadi yagonga 9,726

Miguna Miguna alipokwama Berlin baada ya Kenya kumnyima kibali cha kuingia Nairobi. Picha: Miguna Miguna.
Source: Facebook

“Unazeeka kila kukicha jenerali kabla ya kutukomboa kutoka katika kinywa cha madikteta,” alitania Olleta Dennis.

Hata hivyo wakili huyo mwenye utata aliwajibu kwa kuwaambia kupunguza unene ni afya na wala sio jambo baya.

Habari Nyingine: Malkia wa Ohangla Lady Maureen ameaga dunia

Miguna alifurushwa kutoka Kenya mwaka wa 2018 baada ya kuhusika katika kumwapisha Raila Odinga kuwa ‘rais wa watu’

Alijaribu mara kadhaa kurejea nchini lakini bila ya mafanikio kwani serikali ilikuwa imekataa kuidhinisha aruhusiwe kukanyaga ardhi ya Kenya.

Sasa Wakenya mitandaoni wanahisi amefedheheshwa kutokana na hali iliyompata tangu kufurushwa kwake na moyo wake umekuwa ukitaka sana kurejea.

Habari Nyingine: Polisi avamiwa na wakazi akitekeleza agizo la kuvaa maski

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.