Wanahabari waingilia kazi mbadala kujikimu

– Kumekuwa na wasiwasi kwenye nyanja ya uanahabari baada vituo kadhaa kuwafuta kazi watangazaji wake

– Sasa watangazaji wameanza kuwekeza kwenye biashara mbadala kuepuka pigo la mapato wanapofutwa kazi

– Ben Kitili alifichua kuwa kwa sasa anajihusisha na ufugaji wa mbuzi

Huku ulingo wa uanahabari ukionekana kuyumbayumba ambapo wengi wanazidi kupoteza kazi kila uchao, ni wazi sasa waliobaki wameamua kutafuta njia mbadala za kujikimu.

Wengi wa wanahabari sasa wameanza kuwekeza katika biashara zao kibinafsi ili kuepuka pigo kifedha wanapoangukiwa na shoka la mwajiri.

Habari Nyingine: Kuna njama inayoendelea kumtafuta mrithi wa Mt Kenya, Kang’ata asema

Mwanahabari Ben Kitili na mkewe katika picha ya awali.
Source: Original

Hiyo ndiyo njia ambayo msomaji wa habari Ben Kitili amefuata na kuanza kuwekeza katika ufugaji wa mbuzi.

Kitili alifichua hilo Alahamisi Julai 9, alipokuwa ameenda kununua mbuzi wa kuweka kwenye shamba lake.

“Naongeza mifugo shamba langu, na huwa natilia maanani sana mifugo ninaozalisha. Huenda mimi mwenyewe kutafuta mifugo ninaowataka,”alisema Kitili.

Habari Nyingine: Video ya mtangazaji Lilian Muli akinengua kiuno yawafurahisha wengi mitandaoni

Mwanahabari Ben Kitili akiwa sokoni kununua mbuzi baada ya kuingia kwenye sekta ya ufugaji. Picha: Ben Kitili
Source: Facebook

Kumekuwa na kilio kutoka kwa wanahabari baada ya wengi wao kufutwa kazi ghafla bila njia mbadala ya kupata riziki.

Kampuni za Nation Media Group na Media Max ndio zimekuwa za hivi maajuzi kuwatimua wanahabari kadhaa.

Wengi hujipata bila kazi baada ya miaka ya kuwa kwenye chumba cha habari na hivyo maisha kugeuka kuwa mlima.

Habari Nyingine: Oscar Sudi miongoni mwa wabunge bubu bungeni na habari zingine zilizovuma

Mwanahabari Betty Kyallo amekuwa akiwekeza kwenye sekta ya urembo wa kina dada. Picha: Betty Kyallo
Source: UGC

Mwanahabari Betty Kyallo pia amekuwa baadhi ya wachache ambao wamewekeza licha ya kuwa kwenye runinga.

Alizindua duka lake la kuwapodoa kina dada la Flair by Betty akisema sasa lengo lake ni kufaulu kwenye sekta hiyo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.