Wanamtandao wasema Rais Uhuru alitoa tenda ya vitanda kimapendeleo

– Gathogo alikuwa mmoja wa waliowania kiti cha useneta kaunti ya Kiambu 2017

– Wanamtandao wanasema tenda hiyo ilitolewa kimapendeleo kwa sababu vijana hao ni wa kutoka Kiambu

– Gathogo hata hivyo alisema hamjui yeyote kwenye afisi ya Rais na kuwa yeye ni mfuasi wa DP Ruto

Ripoti sasa zimeibuka kuwa mmoja wa vijana waliopewa tenda ya kutengeneza vitanda 500 vya hospitali ni mwanasiasa wa kaunti ya Kiambu.

Mungai Gathogo, 26, na Joseph Muhinja, 35 walipata bahati ya mwaka baada ya Rais Uhuru Kenyatta kuagiza serikali inunue vitanda hivyo kutoka kwao.

Habari Nyingine: Sonko azua kicheko kwenye seneti baada ya kusema ana kiu ya pombe

Mungai Gathogo aliyepewa tenda ya kuwasilisha vitanda 500 kwa serikali ni mwanasiasa wa Kiambu. Picha: PDU
Source: UGC

Wawili hao wanaundia vitanda hivyo katika eneo la Githunguri kaunti ya Kiambu ambapo Rais alituma kikosi chake kukutana na wao.

Hata hivyo, uamuzi wa Rais ulizua hisia kali mitandaoni kwani serikali haikua imetoa uamuzi wa kununua vitanda kama hivyo kutoka kwa fundi mwingine kwa jina Meshack Otieno.

Wanamtandao walidai kuwa Otieno ndiye alikuwa wa kwanza kuunda vitanda namna hiyo na Rais kuwapa kazi Muhinja na Gathogo ilikuwa ni mapendeleo.

Habari Nyingine: Mwanamuziki maarufu apigwa na nguvu za umeme Kisii

Mwangi Gathogo aliwania useneta katika kaunti ya Kiambu 2017. Picha: PDU
Source: Facebook

Kwenye mahojiano na TUKO.co.ke, Gathogo alisema ni mwanasiasa na aliwania kiti cha useneta katika kaunti ya Kiambu.

“Ni kweli niligombea kiti cha useneta 2017 lakini sikufika kwenye debe. Kama kijana, nilikuwa najaribu lakini mambo hayakuenda vizuri na nikajitoa kwenye mchujo,” alisema.

Alisema awali alikuwa akiuza vieuzi na kisha akaamua kuingilia biashara ya kuuza vitanda hivyo baada ya kugundua vinahitajika sana.

Habari Nyingine: Aliyekuwa mpenzi wa Tecra Muigai aachiliwa huru baada ya DPP kufuta mashtaka dhidi yake

Mabango ya Gathogo Mwangi kwenye kampeni za 2017. Picha: UGC
Source: UGC

Alisema aligundua kuhusu fundi mwenzake, Meshak, baada ya kuchapisha picha za vitanda zake kwenye mtandao.

“Niligundua kumhusu baada ya siku tatu nilipochapisha picha kwenye ukurasa wangu wa Facebook, ndipo video yake ikajiri,” alisema.

“Siasa zangu hazina lolote kuhusiana na tenda hiyo. Mimi sikumuita mtu yeyote hata kama mimi ni mwanasiasa na mfuasi wa Naibu Rais William Ruto,mimi sikujua hata mkuu wa PDU,” alisema.

Mkuu wa kitengo cha Rais cha PDU Andrew Wakahiu alizuru eneo hilo na kusema serikali itasaidia Gathogo kupanua biashara yake ili waweze kuwasilisha vitanda 500 kwa mwezi mmoja ujao.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.