Wavulana 2 wa miaka 6 wauguza majeraha baada ya kushambuliwa kwa kisu

Watoto wawili wenye umri wa miaka 6 katika kijiji cha Kiptere wanauguza majeraha mabaya katika hospitali ya Sigowet baada ya kushambuliwa na jamaa mmoja aliyewakashifu kwa kumuibia mahindi

Chifu wa kata ndogo ya Kiptere David Kipkurui amethibitisha kisa hicho na amesema jamaa huyo aliyetambulika kwa majina kama Robert Chepkwony atachukuliwa hatua za kisheria.

Habari Nyingine: Faida 10 za kiafya zinazopatikana katika ulaji wa tikitimaji

Kulingana na ripoti za kuaminika, Chepkowny aliwapeleka vijana hao kwenye nyumba yake na kisha kuwakatakata kwa kisu akidai ni njia moja ya kuwaadhibu.

Inasemekana majirani waliosikia nduru nyumbani kwa mshukiwa waliwapata watoto hao wakiwa wamelala sakafuni huku damu ikitiririka.

Habari Nyingine: Baba ni baba: Gavana Joho, Junet wafunga safari hadi Dubai kumuona Raila Odinga

Baada ya kutekeleza kitendo hicho cha unyama, mshukiwa alijaribu kutoroka ila alikamatwa na wakazi waliompeleka katika kituo cha polisi cha Sondu ambapo anazuiliwa kwa sasa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.