Brian Kimani azikwa baada ya mwili wake kuzuiliwa kwa miezi 4

Mvulana wa miaka 13 Brian Kimani ambaye alifariki dunia kutokana na ugonjwa wa saratani miezi minne iliyopita hatimaye amezikwa

Mwili wa Brian ulikuwa umezuiliwa katika hospitali ya Gertrudes baada ya familia kushindwa kulipa bili ya KSh 11.9 milioni.

Habari Nyingine: Jamaa auawa na stima akioga Mukuru-Kayaba

Hatimaye Brian Kimani azikwa baada ya mwili wake kuzuiliwa hospitalini kwa miezi 4
Source: UGC

Hospitali hiyo iliamua kuachilia mwili wake juma lililopita na mwendazake amezikwa nyumbani kwao eneo la Ndenderu kaunti ya Kiambu.

Serikali iliipatia familia dakika 45 pekee kumzika mtoto huyo ikizingatiwa ni mojawapo ya masharti yaliowekwa na wizara ya afya ya kudhibiti kuenea kwa virusi vya ugonjwa wa corona.

“Serikali ilitupatia muda wa dakika 45 kumzika mtoto wetu, hii ni kwa ajili ya masharti yaliowekwa baada ya mlipuko wa virusi vya COVID-19, watu wachache waliruhusiwa kuhudhuria mazishi yake,” Alisema babake marehemu.

Habari Nyingine: Mpinzani wa John Waluke amuombea, asema hangependa kuona akifungwa jela miaka 10

Brian alizikwa nyumbani kwao eneo la Ndenderu kaunti ya Kiambu.
Source: UGC

Babake marehemu alisema amekuwa akiwasiliana na hospitali ya Gertrudes kuhusu jinsi pesa hizo zitavyolipwa.

Aidha, baba huyo alisema amefurahia kumzika mwanawe licha ya kushindwa kulipa deni hilo kubwa ambalo linamkodolea macho.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke