Orengo aonyesha ushauri wa baba, mwanawe ahitimu kuwa wakili

– Bob Orengo alihitimu na kujiunga na mawakili humu nchini baada ya kuapishwa Ijumaa, Julai 3

– ANajiunga na nyanja ambapo babake amekuwa na sifa sifufu kutokana na umahiri wake kwenye masuala ya kikatiba

– Bob amelelewa katika manthari ambapo baba na mama ni wanasheria sugu na hivyo atakuwa na kibarua kuafikia kiwango chao

Seneta wa Siaya James Orengo Ijumaa, Julai 3 alilala kwa furaha baada ya mwanawe kuhitimu na kujiunga na mawakili humu nchini.

Bob Orengo alikuwa miongoni mwa mawakili ambao waliapishwa na Jaji Mkuu David Maraga baada ya kuhitimu mitihani yao kwenye chuo cha mafunzo ya uanasheria.

Habari Nyingine: Jacque Maribe kuingia siasa 2022 kaunti ya Murang’a

Seneta James Orengo na familia yake wakati wa kuhitimu kwa mwanawe Bob Orengo. Picha: James orengo
Source: Facebook

Kupitia ukurasa wake wa Facebook, seneta huyo alisema ni mojawapo wa siku zenye furaha zaidi maishani mwake.

“Mwanangu. Ni wakati wa kujivunia na muhimu sana. Heko sana kw akuhitimu kuwa wakili Bob,” alisema Orengo

Orengo ni mojawapo wa mawakili matata sana humu nchini na amekuwa akiwakilisha kesi nzito mahakamani.

Habari Nyingine: I and I! Rastafaari Mathenge Mukundi ahitimu kuwa wakili

James Orengo amekuwa mmoja wa wanasheria mahiri humu nchini. Picha: James Orengo
Source: Facebook

Kwenye seneti na bunge, mwanasiasa huyo huchambua vipengee mbali mbali vya kisheria kwa namna ambayo huwaacha wengi kinywa wazi.

Ni hilo ambalo limewafanya wafuasi wake kumpa jina la ‘the walking constotution’ kwani huonyesha ameielewa kwa njia pana.

Aidha Bob amefanikiwa kutoka familia ambapo baba na mama ni wanasheria kwani mamake, Betty Murungi, pia ni mwanasheria hodari.

Habari Nyingine: Jacque Maribe kuingia siasa 2022 kaunti ya Murang’a

Kipchumba Murkomen amekuwa akijaribu kupambana na James Orengo kwenye seneti. Picha: Kipchumba Murkomen
Source: Twitter

Kwenye bunge, Seneta wa Elgeyo Marakwet Kipchumba Murkomen ndiye pekee amekuwa akionekana kujaribu kumchangamoto Orengo.

Wakati wa kutimuliwa kwa aliyekuwa naibu spika Kindiki Kithure, Murkomen na Orengo walitupiana maneno makali.

Murkomen alisema mwenzake humdunisha kisiasa ilhali alihitimu na gredi ya chini katika chuo kikuu cha Nairobi ambapo wote walisomea sheria.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.