Rais Kenyatta asita kuondoa amri ya kuwa nje usiku

Katika hali ya kuendelea kukabiliana na kusambaa kwa virusi vya corna, Rais Uhuru Kenyatta amesema kafyu ambayo imekuwapo itaendelea kawaida.

Akilihotubia taifa kuhusu mikakati iliyopo ya kukabiliana na maradhi ya Covid-19, rais alisema ni lazima kila mtu kuwa na tahadhari kubwa na kuzingatia maelekezi ya Wizara ya Afya kuhusu kuzuia kusambaa kwa virusi vya ugonjwa huo.

Habari Nyingine: Moses Kuria asababisha kipindi cha runinga kukatizwa ghafla kwa matamshi yake tata

Rais Uhuru Kenyatta. Picha: Nation
Source: UGC

Hapa ni sehemu ya mambo aliyoyazungumzia:

– Kafyu kuendelea kwa siku zingine 30 zijazo

– Magari ya uchukuzi wa umma kuanza kuingia na kutoka katika maeneo yaliyokuwa yamefungwa awali lakini kwa vibali maalum

– Safari za ndege za ndani kuanza kufanya kazi kuanzia Julai 15 huku safari za ndege za kutoka na kuingia nchini zikiruhusiwa kuanzia Agosti 1

Habari Nyingine: Safari za ndege kuingia na kutoka nchini kurejelea huduma kawaida – Uhuru

– Hakuna mikutano ya hadhara itakayoruhusiwa kwa siku 30 zijazo

– Maeneo ya kuabudia kufunguliwa kwa awamu na madrissa pamoja na shule za masomo ya dini kwa vijana makanisani kubakia ilivyokuwa awali

– Uchunguzi kuanzishwa kuhusiana na visa vingi vinavyoripotiwa vya dhulma za kijinsia, dhulma dhidi ya haki za watoto na visa vingi vya mimba za mapema miongoni mwa vijana ambao bado wanasoma katika shule za msingi na sekondari.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.