Baba amfurusha mkewe na kumuoa mpenziwe wa kiume Trans Nzoia.

-Mke huyo alieleza kuwa alimpokea mwanamume huyo kutoka Mombasa kwa mkono mkunjufu akidhania alikuwa mgeni wa mume wake

-Mama huyo wa watoto wanane amekuwa akijistiri kwa nyumba za majirani zaidi ya miaka miwili baada ya wawili hao kuungana pamoja na kumtupa nje pamoja na wanawe

-Wawili hao wanasemekana kuwa wanalala chumba kimoja na kuandamana kama bendera ifuatayao upepo

Mama mmoja mwenye umri wa kati kutoka kijiji cha Sirende, Kaunti ya Trans-Nzoia, analilia haki baada ya mume wake wa zaidi ya miaka 20 kumfurusha nyumbani kwake na kisha kuanza kuishi na mpenzi wake wa kiume.

Millicent Adhiambo, mama ya watoto wanane, alisimulia kuwa kwa zaidi ya miaka miwili amekuwa akilala kwa majirani baada ya mume wake kuanza kuishi na mwanamume huyo kutoka Mombasa.

Habari Nyingine: Tecra Muigai: Kesi yachukua mkondo mpya mpenzi Mholanzi wa Omar Lali aibuka

Mama huyo alitumiliwa nyumbani kwake na mume wake wa miaka 20.Picha:UGC.
Source: UGC

Habari Nyingine: Marafiki wa DP Ruto wageukia maombi baada ya masaibu kuwazidi siasani

Adhiambo alidai kuwa mwanamume huyo aliyechukua nafasi yake anatokea Miritini, Mombasa na alimpokea vyema akidhania ni mgeni wa mume wake na kisha baadaye alishirikiana na mume wake kumtupa nje.

“Imekuwa miaka miwili na miezi saba tangu mume wangu anifukuze. Alinitimua na kumleta mwanamume mpenzi wake kutoka Miritini, Mombasa,”

“Wakati mpenzi wake wa kiume aliwasili miaka mitatu iliyopita, nilimpokea vyema nikidhania alikuwa mgeni wa mume wangu.Punde baada ya kuwasili nyumbani kwetu, mume wangu na mpenzi wake walishirikiana kunitupa nje na kubadilisha funguo za nyumba,” Adhiambo aliambia K24.

Habari Nyingine: Mabao ya Olunga yasaidia Kashiwa Resyol kupata ushindi wa kwanza msimu mpya

Mama huyo amekuwa akidhulimiwa na mume kufuatia tukio hilo na hata kumjeruhi. Picha:UGC.
Source: UGC

Mama huyo amekuwa akidhulumiwa na wawili hao ambapo walikuwa wakimtupia mawe na hata kujeruhiwa mabegani na mume wake baada ya kumchapa na mbao.

Kulingana na Adhiambo, wawili hao wanalala chumba kimoja na huandamana kama bendera na upepo kila mara.

Akithibitisha kisa hicho, Chifu Msaidizi wa Kata ya Sirende, Solomon Kariuki alisema atajitahidi awezavyo kumsaidia mama huyo na watoto wake.

Kariuki pia aliziomba asasi husika ziingilie kati na kumsaidia mama huyo hususan watoto ambao wanahangaika kihisia na kifedha.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.