Coronavirus: Watu 403 Waambukizwa Virusi Katika Saa 24 Zilizopita ▷ Kenya News

Wizara ya Afya imetangaza maambukizi 403 mapya ya COVID-19, na kiwango cha chanya kimefika asilimia 7.2 % baada ya sampuli 5,577 kupimwa katika saa 24 zilizopita.

Kulingana na Wizara ya afya idadi ya wagonjwa nchini Kenya imefika 175,176 kutokana na sampuli 1,864,020 zilizopimwa tangu mwezi Machi 2020 kisa cha kwanza kilipotua nchini.

Habari Nyingine: “Unganeni Nyinyi Wote”: Utamu ni Kuwashinda Mkiwa Pamoja

Watu 399 walioambukizwa ni Wakenya nao 4 ni raia wa kigeni; 215 ni wagonjwa wa kiume nao 188 ni wa kike.

Mgonjwa mchanga zaidi ni mtoto wa mwaka mmoja, naye mkongwe ana miaka 97.

Jumla ya wagonjwa 957 kwa sasa wamelazwa katika vituo anuwai vya afya nchini kote, wakati wagonjwa 4,796 nao wametengwa nyumbani wakipokea huduma za matibabu.

Habari Nyingine: Magavana wa Mt Kenya Wakutana Nyeri Kujadili Siasa Bila Uhuru

Wagonjwa 163 wamelazwa wakiwa hali mahututi.

Wakati huo huo, Wizara ya Afya iliripoti kuwa wagonjwa 442 wamepona, na 24 walitoka katika vituo mbali mbali vya afya nchini na 418 wengine walikuwa wakihudumiwa nyumbani.

Idadi ya walipata nafuu sasa iimegonga 120,031, na 87,288 kati yao walikuwa wakihudumiwa nyumbani mwao nao 32,473 kutoka vituo vya afya.

Aidha watu wengine 18 waliripotiwa kupoteza maisha yao kutokana na makali ya maradhi hayo, ambapo sasa idadi ya waliofariki dunia 3,378.

Habari Nyingine: Polisi Wamuua Mshukiwa Mmoja wa Ujambazi, 14 Wengine Watoroka

Idadi ya maambukizi katika kaunti ilirekodiwa kama ifuatavyo;

Nairobi 47, Kisii 34, Kericho 33, Nyeri 31, Siaya 31, Kisumu 29, Mombasa 27, Nakuru 22, Homa Bay 21, Migori 18, Nyamira 17, Bomet 15, Busia 13, Kakamega 8, Baringo 7.

Trans Nzoia 6, Uasin Gishu 6, Kiambu 5, Vihiga 5, Bungoma 4, Kirinyaga 4, Murang’a 2, Embu 2, Narok 2, West Pokot 2, Kajiado 2, Kilifi 2, Laikipia 2, Machakos 1, Meru 1, Nandi 1, Garissa 1, Kitui 1 na Kwale 1.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Subscribe to watch new videos

Source: Tuko