DP Ruto abadili mbinu, aanza kuwatetea wandani wake akisema wanatishwa

– DP Ruto alisema mageuzi ambayo yamekuwa yakifanywa na Uhuru ndani ya Jubilee ni kuwalenga marafiki wake

– Alionekana kubadili mbinu ya kukaa kimya na badala yake akaanza kuwatetea wandani wake

– Alisema wanapokea vitisho kila uchao wakitakiwa kutomuunga mkono kisiasa kwenye mbio za urais 2022

Naibu Rais William Ruto hatimaye amezungumzia vita vinavyoelekezwa kwa wandani wake kutokana na msimamo wao kisiasa.

Akiongea Jumamosi, Julai 4, DP alisema wengi wameumia kutokana na kuwa ni marafiki wake kisiasa.

Habari Nyingine: Moses Kuria aonya Wakenya kuhusu hatari ya covid-19 siku zijazo

DP William Ruto alisema mageuzi ambayo yamekuwa yakifanywa na Uhuru ndani ya Jubilee ni kuwalenga marafiki wake. Picha: William Ruto
Source: Facebook

Akiongea nyumbani kwake Sugoi kaunti hya Uasin Gishu, Ruto alisema kumekuwa na vitisho vingi kwa wote ambao wanamuunga mkono.

Aliwataka viongozi wa kanisa kumuombea pamoja na wandani wake ili waweze kushinda vita dhidi ya mahasimu wao.

“Wanatishwa watapelekwa mahakamani, EACC, KRA, kutolewa kutoka afisi hii na ile na si kwa sababu wameshindwa kufanya kazi lakini kwa sababu ni marafiki wa naibu rais wa Kenya,” alisema DP.

Habari Nyingine: Mwanahabari Yassin Juma atiwa kizuizini nchini Ethiopia

Rais Uhuru Kenyatta amekuwa akifanya mabadiliko ndani ya chama cha Jubilee ambao wote ni marafiki wa DP wametolewa kwenye nyadhifa walizoshikilia.

Habari Nyingine: Wafanyakazi wa UN walionaswa wakifanya mapenzi kwenye gari wasimamishwa kazi

Aliyekuwa kiongozi wa wengi Aden Duale. Aliondolewa kutoka wadhifa wake kwa madai kuwa ni mwandani wa DP. Picha: Nation
Source: Facebook

Aliyekuwa kiongozi wa wengi Aden Duale aliondolewa kutoka wadhifa wake kwa madai kuwa ni mwandani wa DP.

Wengine ambao wameangukiwa na shoka la Rais Uhuru ni aliyekuwa kiongozi wa wengi kwenye Seneti Kipchumba Murkomen.

“Naibu rais amezungumza kwa niaba yetu wote. Tutakuwa wavumilivu na tutamshinda pepo wa chuki na mgawanyiko,” Murkomen alisema baada ya DP kuteta wandani wake kuhangaishwa.

Habari Nyingine: Hatimaye Ruth Matete aruhusiwa kumzika marehemu mumewe

Wengine walioondolewa ni aliyekuwa naibu spika wa seneti Kindiki Kithure na kiranja Susana Kihika.

Wengine ni waliokuwa wakishikilia nyadhifa za wenyekiti wa kamati mbali mbali kwenye mabunge ya seneti na lile la kitaifa.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.