EACC yatakiwa kumuandama mpambe wa Uhuru kuhusu matumizi ya KSh 3.5bn

– Mkaguzi mkuu wa hesabu za serikali alisema serikali ya Mbugua ililipa KSh 3.5bn lakini hakukuwa na stakabadhi za malipo hayo

– Kamati ya PAIC katika bunge la Nakuru imependekeza EACC imfuate hadi Ikulu ili atoe majibu kuhusu fedha hizo

– Bunge hilo lilisema anafaa kubeba msalaba kwani yeye ndiye alikuwa amesimamia kaunti wakati huo

Bunge la kaunti ya Nakuru limependekeza aliyekuwa gavana Kinuthia Mbugua achunguzwe kuhusu matumizi mabaya ya bilioni 3.5.

Kwenye ripoti iliyotolewa na kamati ya uhasibu ya bunge hilo, KSh 3.5bn zinaarifiwa kutumiwa kwa njia isiyofaa.

Habari Nyingine: I and I! Rastafaari Mathenge Mukundi ahitimu kuwa wakili

Aliyekuwa gavana wa Nakuru Kinuthia Mbugua. Bunge la kaunti ya Nakuru limependekeza achunguzwe na EACC. Picha: Standard
Source: Facebook

Ripoti hiyo ilipendekeza Mbugua achunguzwe na tume ya kukabiliana na ufisadi EACC kuhusu fedha hizo kwenye bajeti ya mwaka wa kifedha wa 2015/16.

“Kamati hii inapendekeza EACC ifanye uchunguzi uwezekano wa ukora, wizi na matumizi mabaya ya fedha hizo kima cha KSh 3.5bn,” EACC ilisema.

Ripoti hiyo ya PAIC ilitokana na ripoti ya mkaguzi mkuu wa hesabu za serikali ambaye alisema kaunti hiyo ililipa KSh 1.5bn lakini hakukuwa na stakabadhi za kuonyesha ulipaji huo.

Habari Nyingine: Mwanawe Seneta Orengo ahitimu na kuwa wakili

Bunge la kaunti ya Nakuru lilipendekeza Kinuthia Mbugua achunguzwe kuhusu ufujaji wa KSh 3.5bn. Picha: Standard
Source: Facebook

“EACC inafaa kuchunguza malipo hayo ili kubaini kama kweli yalitolewa. Mbugua anafaa kubeba mslaba huo,” ripoti ya kamati hiyo ilisema

Mbugua ndiye alikuwa gavana wa kwanza wa Nakuru kuanzia mwaka wa 2013 kabla ya kubwaga na Lee Kinyanjui.

Habari Nyingine: Migori: Watu saba watozwa faini ya KSh 1k kila mmoja kwa kutovalia maski

Kinuthia Mbugua aliteuliwa mtunzi wa Ikulu Januari 2018.
Source: UGC

Kwa sasa anafanya kazi Ikulu kama mmoja wa wapambe wa Rais Uhuru Kenyatta.

Aliteuliwa mtunzi wa Ikuli mwezi Januari mwaka wa 2018 baada ya Rais kushinda kipindi cha pili.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.