Jamaa 2 kutoka Kakamega wanaswa wakielekea Somalia kujiunga na al-shabaab ▷ Kenya News

– Idris Wesonga na Joseph Odhiambo waliondoka Mumias kuelekea Mandera Oktoba 2019

– Walikodisha chumba katika mji wa Kaskazini-Mashariki kwa muda wa mwezi mmoja kabla ya kuvuka hadi Somalia

– Inashukiwa kuwa walikuwa wanaelekea eneo la Baidoa kujiunga na kundi haramu la al-shabaab

– Hata hivyo, wawili hao walinaswa na askari wa Somalia ambaye aliwakabidhi kwa majeshi ya Kenya

-Wesonga na Odhiambo walishtakiwa kwa kutoroka nchini na kwa nia ya kujiunga na kundi hilo haramu

Jamaa wawili kutoka Kakamega wamekamatwa na kushtakiwa kwa madai kuvuka boda kuelekea Somalia wakinuia kujiunga na kundi haramu la al-shabaab.

Indaiwa kuwa Idris Apwoka Wesonga na Joseph Juma Odhiambo walitekeleza kosa hilo kati ya Oktoba na Novemba 2019.

Habari Nyingine: Bungoma: Vidosho wahamia kwa jombi mkora

Jamaa wawili wanaswa na polisi kwa madai walikuwa wanaeleka Somalia kujiunga na al-shabaab. Picha: NPS.
Source: UGC

Mahakama iliarifiwa kuwa wawili hao hawakupiga ripoti katika afisi za uhamiaji kwamba walikuwa wanaelekea Somalia.

Ripoti za polisi zinaonesha kuwa Wesonga na Odhiambo waliondoka Mumias kuelekea Mandera Oktoba ambapo walikodisha chumba kwa muda wa mwezi moja kabla ya kuvuka boda.

Habari Nyingine: Bingwa Eliud Kipchoge kutuzwa Shahada ya Heshima ya Sheria na Chuo Kikuu cha Exeter

Inashukiwa kuwa wawili hao walikuwa wanaelekea eneo la Baidoa kujiunga na kundi la al-shabaab kwani walipowasili Bulahawa walikodisha teski ya kuwalekeza eneo hilo.

Washukiwa walinaswa na majeshi ya Somalia ambayo yaliwakabidhi kwa majeshi ya Kenya yanayopambana na ugaidi.

Habari Nyingine: Mombasa: Shughuli za uchukuzi kuathirika baada ya feri tatu kupigwa marufuku

Wesonga na mwenzake walifunguliwa mashtaka ya kusafiri nchini kisiri kuelekea katika maeneo yanayotambulika kuwa ngome ya kundi haramu la ugaidi.

Washukiwa walikana mashtaka mbele ya hakimu Peter Areri.

Kesi hiyo itasikizwa tena Januari 10, 2020.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.