Maafisa wa trafiki waamuriwa kuondoa vizuizi vya barabarani.

Maafisa wa trafiki wameagizwa kutoweka vizuizi katika barabara kuu za jijini.

Taarifa kutoka afisi ya Naibu Inspekta Generali Edward Mbugua ilisema sababu kuu ya agizo hilo ni kwa kuwa barabara nyingi zinatumika katika kuendeleza ufisadi.

Habari Nyingine: Lofa anyima mke asali kwa miaka tisa

Maafisa wa trafiki wakisimamisha gari.
Source: UGC

“Sio jambo geni kuwa vizuizi hivyo vinatumika katika kuwafaidi maafisa na makamanda wao ambao wanashiriki ufisadi,” Mbugua alisema kulingana na ripoti ya Daily Nation.

Badala yake, Mbugua alisema maafisa hao wanapaswa kuzunguka katika barabara kuu wakishika doria na wala sio kupiga kambi mahali pamoja.

Habari Nyingine: DCI yatakiwa kurudisha bundi na Range Rover kwa Rashid Echesa

Maafisa wa trafiki wamekuwa wakipiga kambi mahali pamoja na kama ilivyo ada, baadhi yao wanawahangaisha madereva na kuchukua mlungula kutoka kwao.

Maafisa wa trafiki wamesutwa mara kwa mara kuweka vizuizi barabarani kisha wanatumia fursa hiyo kuwahangaisha madereva.
Source: UGC

Kulingana na Mbugua, maafisa wakuu wamekuwa wakipuuza maagizo ya Inspekta Generali wa Polisi Hilary Mutyambai ambaye alisema vizuizi havipaswi kuweka barabarani.

Mutyambai alisema maafisa wa trafiki wanapaswa kuhudumu chini ya OCS na wala sio makamanda jinsi ambavyo imekuwa awali.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.