Madagascar yaweka amri ya kutoka nje baada ya visa vingi vya COVID-19

– Rais wa nchi hiyo Andry Rajoelina alikuwa amedai kuwa amepata dawa ya kutibu ugonjwa wa corona

– Kwa sasa nchi hiyo imeweka amri ya kutotoka nje baada ya visa vingi vya maambukizi ya ugonjwa huo kuripotiwa

– Jumamosi Julai 4, nchi hiyo ilirekodi visa 216 vya maambukizi ya virusi hivyo baada ya watu 675 kufanyiwa vipimo

Rais wa Madagascar Andry Rajoelina ameuwekea mji mkuu wa Antananarivo masharti mapya ya kutotoka nje kufuatia ongezeko la maambukizi ya virusi vya COVID-19, miezi miwili tu baada ya masharti hayo kuondolewa.

Madagascar imekuwa ikirekodi visa vichache vya ugonjwa wa corona ila kwa sasa idadi hiyo imeongezeka kwa kasi.

Jumamosi Julai 4, nchi hiyo ilirekodi visa 216 vya maambukizi ya virusi hivyo baada ya watu 675 kufanyiwa vipimo.

Habari Nyingine: COVID-19: Rais Uhuru Kenyatta afungua mipaka ya kaunti za Nairobi, Mombasa na Mandera

Rais wa Madagascar Andry Rajoelina
Source: UGC

Habari Nyingine: Murang’a: Msichana wa miaka 9 ni miongoni mwa wajawazito

Itakumbukwa kuwa Rais Rajaoelina alizindua dawa ya mitishamba ambayo alidai inazuia na kuponya virusi hatari vya COVID-19.

Shirika la afya ulimwenguni, (WHO)lilitilia shaka dawa hizo licha ya nchi hiyo kushinikiza kuwa zinaponya virusi hivyo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke