Malawi kupiga kura tena baada ya matokeo ya 2019 kutupiliwa mbali

Malawi inatarajiwa kurejea debeni Jumanne, Juni 23 miezi mitano baada ya matokeo ya uchaguzi wa urais kufutiliwa mbali na mahakama kuu kwa ajili ya kukumbwa na utata

Viongozi wa upinzani nchini humo walipinga matokeo hayo wakidai yalikubwa na udanganyifu mkubwa na kutaka uchaguzi urudiliwe.

Habari Nyingine: Duale ang’atuliwa katika kiti cha Kiongozi wa Wengi Bungeni, Amos Kimunya achukua nafasi hiyo

Rais Peter Mutharika ambaye bado yuko madarakani kwa sasa alitangazwa kuwa mshindi mwezi Mei mwaka wa 2019 baada ya kupata ushindi wa asilimia 38.5% kwa jumla ya kura zilizopigwa.

Lakini viongozi wa upinzani walipinga matokeo hayo mahakamani wakidai kwamba uchaguzi huo ulikumbwa na udanganyifu.

Kwa sasa wapinzani wa chama cha upinzani nchini humo wamemtambulisha mgombea mmoja ambaye atamenyana na Rais Mutharika.

Kwa miezi kadhaa sasa, raia wa Malawi wamekuwa katika mgogoro wa kisiasa ambao haujawahi kushuhudiwa katika historia ya nchi hiyo.

Habari Nyingine: Wandani wa DP Ruto wafanya mkutano wa pili katika afisi za Jubilee Asili

Imeripotiwa kuwa mwenyekiti wa tume ya uchaguzi nchini Malawi amejiuzulu huku wanachama wapya wa tume hiyo wakichaguliwa ili kusimamia uchaguzi mpya.

Wananchi Malawi wanaamini kwamba malalamishi yao yatasikizwa na kuwa Jumanne pengine huenda ikawa ndio mwanzo mpya kwa nchi hiyo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke