Mkaazi awasilisha kesi akitaka mbunge Moses Kuria ang’atuliwe afisini

– Elijah Gicharu alisema uchunguzi wake katika mfuko wa CDF umeonesha Kuria amewapa kandarasi zenye thamani ya zaidi ya KSh 170 milioni jamaa zake

– Alisema Moses Kuria anapaswa kuondolewa afisini kutokana na matumizi mabaya ya mamlaka

– Alidokeza kuwa tayari amewasilisha stakabadhi za uchunguzi wake kwa EACC

Mkaazi wa Kiambu amewasilisha kesi ya kutaka mbunge wa Gatundu Kusini Moses Kuria kuondolewa afisini kwa madai ya matumizi mabaya ya mamlaka katika utoaji wa kandarasi.

Elijah Kimani Gicharu alisema uchunguzi wake katika mfuko wa fedha za maendeleo ya maeneo bunge umeonesha Kuria amewapa kandarasi zenye thamani ya KSh 170, 878, 413 jamaa zake.

Habari Nyingine: Video ya mtangazaji Lilian Muli akinengua kiuno yawafurahishwa wengi mitandaoni

Mlalamishi alisema Kuria hapaswi kuwa afisini. Picha: Moses Kuria.
Source: UGC

Mlalamishi alisema Kuria aliipa kapuni ya Finishline Construction ambayo inasemekana kuwa ya ndugu yake Aloise Kinyanjui kandarasi ya KSh 32, 531,540.

“Tulibaini na kuamini kwamba Kuria alihusika kabisa katika kuhakikisha kandarasi hizo zinatolewa kwa jamaa zake,” mlalamishi aliiambia Citizen TV.

Habari Nyingine: Mwanamke aliyefumaniwa akimpakulia pasta asali asema mumewe ni bwege kitandani

Kimani, katika malalamishi yake alidai kuwa ndugu wengine wawili wa mbunge huyo, John Nome Kuria na James Koigwho ambao ni wakurugenzi wa Supreme General Traders Ltd walipewa kandarasi ya jumla ya KSh 5,808,468 katika Shule ya Sekondari ya Mutungu.

Habari Nyingine: Waziri Mucheru ampigia Rais Uhuru simu hadharani, achangamsha wakazi Baringo

Mpwa wa mbunge huyo Stanley Kuria Ngugi anadaiwa alipokea KSh 14,792,825 kupitia Kurstan Buiders Ltd.

Ni kupitia malalamishi haya ndiposa mkazi huyo alisema anahisi mwandani huyo wa William Ruto hapaswi kuwa mamlakani.

Kimani alisema aliwasilisha kesi yake kwa Tume ya Maadili na Kupamba na ufisadi kwa uchunguzi zaidi.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.