Mwili wa mama aliyejitupa Mto Nzoia na wanawe hatimaye wapatikana

Miili ya watoto wawili na mama yao ambaye inaaminika aliwatupa ndani ya mto Nzoia Jumapili, Julai 5 kabla ya kajitupa imepatikana.

Winny Kulangwa mwenye umri wa miaka 24 anashukiwa kuwatupa wanawe watatu wenye umri wa mwaka mmoja na miaka minne majira ya saa tatu usiku.

Habari Nyingine: Zaidi ya shule 100 za binafsi kufungwa kufuatia athari za COVID-19

Picha ya maktaba wananchi wakiwa wamebeba mwili ulioopolewa mtoni. Picha: Mark Wachira.
Source: Original

Mwanawe mwenye umri wa miaka saba hata hivyo aliponea tukio hilo kwa tundu la sindano.

Familia ya Kulangwa ilisema kuwa marehemu hakuonesha matatizo yoyote ya kuzongwa na mawazo kabla ya kutenda kisa hicho.

Hata hivyo polisi mjini Bungoma wamehusisha mauaji hayo na mzozo wa kinyumbani.

Habari Nyingine: Doreen Lugaliki: Picha za kuvutia za daktari Mkenya aliyeangamizwa na COVID-19

Chifu wa eneo hilo Kennedy Wamalwa aliiambia The Standard mwanawe mchanga alipatikana akiwa angali amefungwa katika mgongo wa mamake miili hiyo ilipopatikana.

Mto Nzoia ambapo mama alijitupa na wanawe Jumapili, Julai 5 . Picha: K24 Digital.
Source: UGC

“Tumekuwa tukiitafuta miili kwa siku tano. Ni afueni baada ya miili hiyo kupatikana kwani sasa polisi wataanzisha uchunguzi ili kubaini kilichompelekea mama kujitupa pamoja na wanawe mtoni,” alisema.

Kamanda wa Bungoma Kaskazini Stephen Mwoni alisema uchunguzi wa awali ulionesha kwamba mama huyo alitatizika kimawazo kufuatia ugomvi na mumewe.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.