Rais Uhuru akutana na wakazi wa Nairobi, wadai alikuwa amelamba asali

– Sonko alichapisha video ya Rais Uhuru kwenye Facebook akimtaka awe akivaa maski anapotengamana na watu

– Kwenye video hiyo, wafuasi wake waliokuwa wamechangamka kukutana naye waliskika wakisema alikuwa amebugia kileo

– Ni jambo ambalo lilizua maoni makali kwenye ukurasa wa Facebook wa gavana huyo wa Nairobi

Gavana wa Nairobi Mike Sonko Jumapili, Julai 19 alimtaka Rais Uhuru Kenyatta kuzingatia sheria za Wizara ya Afya kuhusu kukabili virusi vya corona.

Gavana Sonko alimtaka Rais awe akivalia maski kama vile shirika la afya duniani (WHO) limependekeza ili watu kujikinga na maambukizi.

Habari Nyingine: Jumatatu Julai 20: Papa Shirandula kuzikwa kesho kijijini Namisi

Rais Uhuru Kenyatta Jumapili, Julai 19 alikuwa jijini Nairobi na kutoka kwenye gari lake kuwasalimia wakazi bila kuvaa maski.
Source: Twitter

Sonko alisema hayo baada ya Rais kuonekana jijini ambapo alijumuika na wakazi huku akiwa hajavalia barakoa.

“Rais, unafanya kazi mzuri lakini bado tunakuhitaji na tunakupenda sana haswa hapa Nairobi,” alisema Sonko.

“Wakati unapotengamana na watu kama ulivyofanya leo, tafadhali vaa maski kwa sababu hujui ni nani mgonjwa Covid-19,” aliongeza Sonko.

Habari Nyingine: Marafiki wa DP Ruto wageukia maombi baada ya masaibu kuwazidi siasani

Gavana huyo alisema aliamua kujitokeza na kuzungumzia Rais kwa sababu anajua wasaidizi wake huenda wakaogopa kumweleza hayo.

“Baadhi ya watu kwa serikali yako wataogopa kukuambia lakini mimi nitakwambia ukweli kwa sababu nakujali kama unavyonijali,” alisema Sonko.

Habari Nyingine: Wasiwasi baada ya wafungwa 20 Makongeni na Thika kupatwa na Covid-19

Gavana Mike Sonko na Rais Uhuru Kenyatta katika picha ya awali. Sonko alimtaka Uhuru kuwa akivaa maski kipindi hiki cha coronavirus. Picha: Mike Sonko
Source: Facebook

Video hiyo ya Rais akiwasalimia wakazi wa Nairobi, ambayo Sonko alichapisha kwenye ukurasa wake wa Facebook, ilizua hisia mseto pia.

Baadhi ya wananchi walisikaka wakisema Rais alikuwa amepata kileo kulingana na walivyomuona.

Haya hapa baadhi ya maoni kwenye video hiyo ya Sonko mtandaoni

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.