Safaricom yafunga duka lake baada ya wafanyakazi 13kukutwa na COVID-19

Kumi na tatu hao ambao wanahudumu katika duka la Safaricom kaunti ya Meru, walikuwa miongozi mwa wale waliopatikana na virusi hivyo Jumatano, Juni 17.

Katibu mkuu katika wizara ya Afya Rashid Aman amesema kuwa Safaricom imeripoti visa 14 kwa jumla vya maambukizi ya virusi vya corona baada ya mwingine mmoja kupatikana navyo Ijumaa wiki jana.

Kwa mujibu wa afisa wa afya kaunti ya Meru Misheck Mutuma, watu 42 waliotangamana na mgonjwa huyu wamewekwa karantini.

Kampuni ya Safaricom sasa imefunga duka lake lililoko Meru kwa muda usiojulikana baada ya visa vya COVID-19 kurekodiwa.