Seneta Gideon Moi kumwakilisha Rais Uhuru Malawi badala ya Ruto.

– Katibu Mkuu Macharia Kamau alisema Moi alichaguliwa kwa sababu ni afisa mkuu na atamwakilisha Rais Uhuru vyema

– Tayari Seneta huyo ametua nchini Malawi pamoja na Ababu Namwamba katika hafla ya kuapishwa kwa Rais Lazarus Chakwera

– Taarifa kutoka Malawi imefichua kuwa hafla hiyo itahudhuriwa na watu 100 pekee kwa mintarafu ya janga la COVID-19

– Chakwera alishinda Uchaguzi Mkuu uliorudiwa baada ya matokeo ya awali kufutwa na mahakama

Rais Uhuru Kenyatta amemchagua Seneta wa Baringo, Gideon Moi kuwaongoza wajumbe wa Kenya wakati wa kuapishwa kwa rais mpya wa Malawi, Lazarus Chakwera hii leo Jumatatu, Julai 6.

Katibu Mkuu wa Wizara ya Masuala ya Kigeni, Macharia Kamau alithibitisha ripoti hiyo na kusema Moi alichaguliwa kwa sababu ni seneta mkuu.

Habari Nyingine: Magazeti ya Jumatatu, Julai 6: Wagonjwa wa COVID-19 wanavyofurahia maisha KUTRRH

Moi kuwaongoza wajumbe wa Kenya wakati wa kuapishwa kwa rais mpya wa Malawi, Lazarus Chakwera. Picha: UGC.
Source: Facebook

Habari Nyingine: Wakazi wenye hamaki wateketeza kituo cha polisi kukashifu mauaji ya mfanyabiashara

Ripoti zinaarifu kuwa kiongozi huyo wa Baringo aliandamana pamoja na Katibu Mkuu Msaidizi wa Masuala ya Kigeni, Ababu Namwamba

“Gideon Moi ni seneta mkuu na atamwakilisha kiongozi wa taifa vyema,” alisema Kamau.

Habari Nyingine: Huenda hali ya COVID-19 ikageuka mbaya zaidi, Rais Uhuru awaonya viongozi wa Afrika

Msemaji wa Seneta huyo, Alex Kiprotich alithibithishia shirika moja la habari kuwa tayari Moi aliwasili nchini Malawi kumwakilisha Rais Uhuru Kenyatta.

Ikulu pia ilifichua hotuba ya Uhuru ambayo Moi atasoma kwa niaba yake.

Katika hali ya kawaida, Naibu Rais William Ruto ndiye alitakiwa kumwakilisha rais katika hafla kubwa kama hiyo.

Mbunge wa Nyeri Mjini, Ngunjiri Wambugu alisema Uhuru alikuwa akiwachagua viongozi wengine badala ya Ruto kwa sababu hana imani naye.

Uhusiano wa wawili hao umekuwa na doa tangia maridhiano ya Machi 2018.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.