Seneta Sakaja alala kizuizini baada ya kukamatwa akinywa pombe usiku

– Sakaja alikuwa miongoni wa watu wengine kumi Lady’s Lounge wakijivinjari nyakati za usiku

– Maafisa wa polisi waliofika katika baa hiyo walimuangzia kuondoka ila alikuwa mkaidi

– Ilimbidi kamanda naibu kamanda wa Kilimani Adan Hassan kufoka eneo hilo la kumkamata seneta huyo

– Aliachiliwa kwa dhamana huru lakini alitishia kuwahamisha maafisa wote waliomkamata chini ya saa 24

Seneta wa Nairobi Johnson Sakaja alilala seli Ijumaa, Julai 17 baada ya kunaswa akibugia vileo mtaani Kilimani nyakati za kafyu.

Seneta huyo alikuwa miongoni mwa watu wengine kumi wakati yeye na watu wengine wawili walipokamatwa kwa kukiuka amri ya kutotoka nje nyakati za usiku.

Habari Nyingine: Ruth Matete aomba msaada wa fedha ili aweze kumzika mumewe

Seneta Sakaja alala ndani baada ya kunaswa akibugia pombe usiku.
Source: UGC

Taarifa iliyoandikishwa katika kituo cha polisi cha Kilimani ilionesha watu wengine saba waliokuwa wakijivinjari na seneta huyo katika baa ya Lady’s Lounge kwenye barabara ya Dennis Pritt walihepa mtego wa polisi.

Maafisa waliofika eneo ambalo kumi hao walikuwa wakijivinjari walimuagiza seneta huyo kuondoka lakini alidinda na kuwalazimu kuwajulisha wakubwa wao kuhusu tukio hilo.

Habari Nyingine: Kawangware: Mpangaji azua kisanga kuhepa na mke wa ‘caretaker’

Naibu kamanda wa eneo la Kilimani Adan Hassan alikuwa miongoni mwa maafisa wakuu waliofika ndani ya baa hiyo kumshurutisha Sakaja kuondoka lakini alipokuwa mkaidi hawakuwa na budi ila kumfunga pingu.

Seneta Sakaja alilala katika kituo cha polisi cha Kilimani.
Source: UGC

Hata hivyo, aliachiliwa huru lakini akadinda kuondoka kituoni huku akitishia kuwapa uhamisho maafisa wote waliomkamata katika muda wa saa 24.

Hatimaye aliondoka kizuizini.

Mnamo Julai 6, 2020 Rais Uhuru Kenyatta alitangaza amri ya kufungwa kwa baa xote nz maeneo ya burudani kwa siku 30 zaidi wakati taifa linapoendelea kukabiliana na COVID-19.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.