Shule ya kifahari ya St Andrew’s Turi imeripoti visa 18 vya Covid-19

Wasiwasi umetanda katika kijiji cha Turi baada ya watu 18 kupatikana na coronavirus Alhamisi, Julai 9.

Watu hao 18 ni wafanyakazi wa shule ya kifahari ya St Andrew Turi eneo bunge la Molo kaunti ya Nakuru.

Habari Nyingine: Junet walazimika kutoa mwenye mkoba baada ya moto mtandaoni

Wafanyakazi 18 wa shule ya St Andrew’s Turi wamepatwa na coronavirus. Picha: Leopardfish
Source: Facebook

Waziri wa Afya kaunti ya Nakuru Gichuki Kariuki amedhibitisha hayo na kusema wagonjwa hao ni kati ya wale 23 walioripotiwa Alhamisi.

Wakazi katika wadi ya Turi waliamkia wasiwasi baada ya taarifa kutamba kwenye mtandao kuwa janga la coronavirus limevamia kijiji hicho.

Habari Nyingine: Daktari Mkenya afariki dunia kutokana na COVID-19

Eneo la kibiashara la Turi. Wakazi wanahofu baada ya visa 18 vya Covid-19 katika shule jirani ya St Andrew’s Turi. Picha: Maryyanne Ndunge
Source: Facebook

Mbunge wa Molo Kuria Kimani aliwataka wakazi kuwa watulivu akiwahakikishia kuwa suala hilo linashughulikiwa na sekta ya afya.

“Watu hao ni wafanyakazi wa St Andrew’s Turi. Wizara ya Afya inafanya kila iwezalo kuwatafuta waliotengamana na wagonjwa hao ili kuepuka kusambaa kwa ugonjwa huo,” alisema Kimani.

Mbunge huyo aliongeza kuwa waliopatikana na virusi hivyo ni wafanyakazi ambao huishi shuleni humo.

Habari Nyingine: Baba afurahia kukutana na vijana wake Gavana Joho, Junet

Shule hiyo ni mojawapo wa shule za kifahari humu nchini.
Source: UGC

Hata hivyo, baadhi ya wakazi wa eneo hilo ni wafanyakazi pia kwenye shule hiyo na kuna wasiwasi wa iwapo walitengamana na wagonjwa na kisha kurudi kwa familia zao.

Mfanyibishara wa Turi Salaons Lempaa alisema shule hiyo inafaa kutengwa mara moja ili kuepuka maambukizi.

“St Andrew’s Turi inafaa kutengwa mara moja kuzuia wafanyakazi kurudi nyumbani na kuendeleza maambukizi kwa familia zao,” alisema Lempaa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.