Sonko awataka magavana waliotengamana na Rais Uhuru kupimwa covid-19

– Sonko alimbatiza Rais Uhuru na kumuita Munaa ambalo ni jina la mtaani kumaanisha mjanja

– Alisema hatua zake kupigana na covid-19 ni za kurithisha ikiwamo kujifungia Ikulu

– Sonko aliwataka magavana wote waliotangamana na Rais Ikulu wapimwe covid-19

Gavana wa Nairobi Mike Sonko Alhamisi, Juni 17, alimshukuru Rais Uhuru Kenyatta kutokana na mikakati ambayo ameweka kupigana na janga la coornavirus.

Sonko alisema kwa sasa Rais ameamua kufunga kuingia au kutoka Ikulu baada ya wafanyikazi wanne wa Ikulu kupatwa na virusi.

Habari Nyingine: Evariste Ndayishimiye aapishwa kuwa rais mpya wa Burundi

Gavana Mike Sonko alimpongeza Rais Uhuru Kenyatta kwa juhudi zake kupigana na covid-19. Picha: Mike Sonko
Source: Facebook

Sonko alimsifu Uhuru huku akimpa jina lipya la Munaa ambalo hutumika mitaani kumaanisha mtu mjanja.

“Nachukua wakati huu kumpongeza Rais Uhuru Kenyatta aka Munaa aka Kamwana kwa kufunga kuingia au kutoka Ikulu,” Sonko alisema.

“Hii inaonyesha juhudi za Rais katika kupigana na janga hili la coronavirus,” aliongeza gavana huyo kupitia ujumbe wake kwenye Facebook.

Habari Nyingine: Huenda watahiniwa wa KCPE, KCSE wakafanya mitihani yao Aprili 2021

Gavana Mike Sonko na Rais Uhuru Kenyatta katika picha ya awali. Picha: Mike Sonko
Source: Facebook

Sonko alisema kilichotokea nchini Burundi ambapo Rais Pierre Nkurunziza alifariki kutokana na covid-19 ni dhihirisho kuhusu hatari ya ugonjwa huo.

Alilaumu Nkurunziza akisema wakati mataifa mengine yalikuwa yakitafuta mbinu za kupigana na ugonjwa huo, nchi hiyo iliamua kushiriki mchakato wa kampeni za urais.

“Wakati Rais Uhuru Kenyatta na nchi zingine walikuwa wakitafuta njia za kukabili kusambaa kwa covid-19, Burundi ilikuwa inashiriki uchaguzi bila hata kuzingatia maagizo ya shirika la Afya duniani kuhusu kukabili janga hili,” Sonko alisema.

Habari Nyingine: Muigai wa Njoroge azindua kibao cha kumsuta Uhuru na habari zingine zilizotamba wiki hii

Msemaji wa Ikulu Kanze Dena alisema Rais na familia yake wako salama. Picha: State House
Source: Twitter

Gavana huyo aliwataka wenzake ambao walihudhuria mkutano wa Ikulu pamoja na Rais Kenyatta kufanyiwa ukaguzi ili kujua hali yao.

“Nawaomba wenzangu ambao tulihudhuria mkutano Ikulu Juni 10 kujiweka karantini na kupimwa covid-19 kabla ya kutengamana na wafanyikazi wa kaunti,” alisema Sonko.

Msemaji wa Ikulu Kanze Dena alitangaza kuhusu wafanyikazi hao waliopatikana na coronavirus lakini akahakikishia Wakenya kuwa Rais na familia yake wako salama.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.