Sudi asema ni Ruto pekee hakulewa wakati wa kuombea Jubilee kura 2017

– Sudi alisema DP Ruto aliombea serikali ya Jubilee kura 2017 kwa sababu yeye huwa haendi kulewa jioni

– Alisema licha ya juhudi zake, Rais Uhuru amemtaka kukaa kando ya serikali

– Mbunge huyo alisema watahakikisha wamekoroga chama cha Jubilee kabla ya kuondoka

Mbunge wa Kapseret Oscar Sudi Ijumaa, Julai 17 alimfokea Rais Uhuru Kenyatta na kusema amesahau walivyomsaidia kisiasa.

Sudi alisema Rais amewadharau na hivyo kuanza vita vya kuwatimua kutoka chama cha Jubilee.

Habari Nyingine: Shiro sasa: Rais Uhuru Kenyatta achangamka kuongea na mrembo wa Elburgon

Oscar Sudi alimfokea Rais Uhuru Kenyatta na kusema aliwatimua kutoka Jubilee. Picha: Oscar Sudi
Source: Facebook

Sudi alisema Naibu Rais William Ruto ndio alifanya kazi kubwa ya kuomba kura 2017 lakini kwa sasa hatambuliwi ndani ya Jubilee.

“Ule mtu alizunguka Kenya hii akaomba kura ya Jubilee usiku na mchana, William Ruto ndio sasa ameambiwa akae kando,” alisema Sudi.

Mbunge huyo aidha alisema wakati wa kampeni wengi wa viongozi walikuwa wakichapa kazi na kisha kupata kileo wakipunga hewa.

Habari Nyingine: Serikali kuajiri madaktari 20 kutoka Cuba kusaidia kupigana na Covid-19

Oscar Sudi aliteta kuwa William Ruto kwa sasa ametengwa na Rais Uhuru Kenyatta licha ya juhudi zake za kuomba kura kwa serikali ya Jubilee 2018. Picha: State House
Source: Facebook

“Kwa sababu mimi na Uhuru Kenyatta, Raila Odinga na Musalia Mudavadi na wengine tunafanyaga kazi lakini jioni tunaweza fika mahali tukunywe glasi ya kileo. Lakini Ruto alifanya kazi usiku na mchana,” alisema Sudi.

Mbunge huyo aliwataka Wakenya kumuunga mkono DP akisema siasa za 2022 zitakuwa kati ya

wenye nchi na walala hoi’.

Habari Nyingine: Ruth Matete aomba msaada wa fedha ili aweze kumzika mumewe

Mbunge huyo alisema watahakikisha wamekoroga chama cha Jubilee kabla ya kuondoka. Picha: Oscar Sudi
Source: UGC

“Hustler nation sio mzaha, ni lazima tutenganishe mafuta na maji katika taifa la Kenya ili kila mtu akae akijua Kenya hii hakuna asiye na lake,” aliongeza Sudi.

Alimtaka katibu wa Jubilee Raphael Tuju kutoa hesabu ya jinsi fedha za chama zimekuwa zikitumika.

“Kabla ya nyinyi kufukuza Caleb (naibu katibu wa Jubilee) tunataka tujua jinsi fedha zetu zimekuwa zikitumika. Na sisi si viwete, hatutatoka tu hivi tuende, tutakuwa tumeshikana mashati ndio mjue ata sisi ni wanaume,” alisema Sudi

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.