Upasuaji waonyesha mkewe afisa wa KDF alinyongwa kwa kamba

– Leah alipatikana akiwa amefariki na upasuaji ulionyesha alinyongwa na kukosa hewa mwilini

– Mumewe alikamatwa kuhusiana na mauaji hayo ambayo familia yameyataja kama ya kinyama

– Wawili hao walikuwa wameoana kwa miaka mitatu bila kufanikiwa kupata mtoto

Afisa mmoja wa jeshi kutoka kambi ya jeshi ya Lanet ametiwa kizuizini baada ya kudaiwa kumtoa uhai mkewe kwa kumnyonga.

Inadaiwa Kennedy Oloo alimshambulia mkewe Leah Oloo na kumfunga kwa kamba shingoni hadi akafariki.

Habari Nyingine: Murkomen, Kihika walia baada ya kushindwa katika Seneti

Kambi ya jeshi ya Lanet. Afisa wa KDF alikamatwa baada ya kudaiwa kumyonga mkewe. Picha: Standard
Source: UGC

Oloo alikamatwa na jeshi na kisha kukabidhiwa maafisa wa polisi ili kufunguliwa mashtaka rasmi.

Uchunguzi uliofanywa baada ya upasuaji ulionyesha kuwa Leah, aliyekuwa na miaka 26, alifariki baada ya kukosa hewa kutokana na kunyongwa.

Awali, inaarifiwa Oloo alikuwa amempigia mamake Leah simu na kumweleza kuwa mwanawe alikuwa ametishia kujitoa uhai kwa kujitia kitanzi.

Habari Nyingine: Siwezi kuua ndoto yangu kwa sababu ya mume wangu, asema Christina Shusho

Kennedy Oloo na mkewe Leah Oloo. Leah alipatikana akiwa amefariki kwa kile kinaaminika ni kunyongwa.
Source: UGC

Oloo alikamatwa na kuzuiliwa katika kituo cha polisi cha Bahati Kazkazini kulingana na afisa anayeongoza uchunguzi wa jinai Michael Mwenze.

Mwenze alisema walishuku simuliza za Oloo kuhusu kifo cha mkewena ndipo wakaanza uchunguzi kamili.

Habari Nyingine: Msanii Christina Shusho azungumzia madai ya kutengana na mume wake

Leo Oloo ambaye alipatikana akiwa amefariki. Picha: Leah Oloo
Source: Facebook

Familia ya Leah ilisema wawili hao walikuwa na mzozo wa kinyumbani na alitaka kuondoka kwenye ndoa hiyo.

Wawili hao walikuwa kwenye ndoa kwa miaka mitatu lakini hawakuwa wamejaaliwa mtoto.

Dadake Leah aliambia runinga ya Citizen kuwa dadake alifungiwa ndani ya nyumba siku hiyo kabla ya kupatikana amefariki na hata alikuwa amejirekodi akiwa chumbani na kumtumia dadake akimwarifu masaibu anayopitia.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.