Visa vya COVID-19 Kenya vyafikia 10,105, wengine 379 wapatwa na virusi

-Wagonjwa 49 walipona virusi hivyo na kuruhusiwa kuenda nyumbani, idadi ya waliopona ikifikia 2,881

– Mgonjwa mmoja aliaga dunia, idadi jumla ya vifo kutokana na virusi hivyo ikifikia 185

– Nairobi inaongoza na visa 209 ikifuatwa na Kiambu (49) na Busia (38)

Idadi ya visa vya virusi vya corona nchini imefika 10,000 baada ya watu wengine 379 kuthibitishwa kuwa na virusi hivyo na kupelekea idadi jumla kutimu 10,105.

Visa hivyo 379, viligunduliwa baada ya Wizara ya Afya kufanyia vipimo sampuli 7,050 huku idadi ya sampuli zilizokaguliwa tangu kuzuka kwa virusi hivyo ikifikia 215,037.

Habari Nyingine: Rais Trump avalia maski kwa mara ya kwanza tangu kuzuka kwa COVID-19

Visa hivyo 379, viligunduliwa baada ya Wizara ya Afya kufanyia vipimo sampuli 7,050. Picha: MOH.
Source: Facebook

Habari Nyingine: Paul Pogba auguza majeraha mbaya usoni kufuatia kugongana na Victor Lindelof

Kulingana na taarifa ya wizara hiyo, mgonjwa mchanga zaidi miongoni mwa wagonjwa hao wapya ni mtoto wa miaka miwili huku mzee zaidi akiwa na miaka 97.

“Kati ya visa hivyo, 376 ni Wakenya na raia wa kigeni 3, huku wanaume wakiwa 253 na wanawake 126,” ilisoma taarifa hiyo.

Habari Nyingine: Tajiri anayemiliki Hoteli ya Jiweke Tavern, John Keige azirai na kuaga dunia nyumbani

Wakati huo huo, habari njema ni kwamba wagonjwa 49 walipona virusi hivyo na kuruhusiwa kuenda nyumbani na idadi ya waliopona kufikia 2,881, huku mgonjwa mmoja akiaga dunia na idadi ya vifo kufika 185.

Visa hivyo katika kaunti ni kama ifuatavyo; Nairobi inaongoza na visa 209, Kiambu (49), Busia (38), Migori (19), Mombasa (16), Kajiado (12), Uasin Gishu (8), Lamu (6), Machakos na Nakuru visa vitano kila mmoja, Narok, Wajir na Kisumu visa viwili kila mmoja na Garissa, Isiolo, Kericho, Nyamira, Nyeri na Trans Nzoia zikirekodi kisa kimoja kila mmoja.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.