Walinzi wa Rais Trump wakutwa na COVID-19 baada ya kuhudhuria mkutano

– Walinzi hao wameripotiwa kukutwa na virusi hivyo wakati wa mkutano wa kisiasa ulioandaliwa na Rais Trump

– Kwa sasa walinzi wote wa Trump wametakiwa kujitenga baada ya wenzao kupatikana na virusi hivyo hatari

– Kufikia sasa, Marekani imerekodi visa milioni 2.3 vya maambukizi ya virusi vya corona na zaidi ya vifo 121, 000 vimeripotiwa

Walinzi wawili wa Rais wa Marekani Donald Trump wamepatikana na virusi vya ugonjwa wa corona, wenzao wengine wametakiwa kujiweka karantini.

Imeripotiwa kuwa walinzi hao walikutwa na virusi hivyo wakati Rais Trump alifanya mkutano wa kisiasa katika mji ambao umeathirika pakubwa na ugonjwa huo.

Habari Nyingine: Jamaa kumzawadi KSh 20,000 yeyote atakaye pata paka wake aliyepotea

Kwa mujibu wa taarifa za BBC, watu wengine sita walithibitishwa kuwa na maambukizi ya virusi hivyo baada ya mkutano huo kukamilika.

Rais Trump amekosolewa na baadhi ya viongozi nchini humo kwa kuandaa mkutano katika mji huo ambao maambukizi yanazidi kuongezeaka kila uchao.

Walinzi wa Rais Trump wajitenga wakihofia maambukizi ya COVID-19
Source: Getty Images

Msemaji wa idara ya usalama nchini Catherine Milhoan amesema serikali inafanya kila liwezalo kukabiliana na hali yoyote ya kiafya kwa wafanyakazi.

Habari Nyingine: Washukiwa 9 wa wizi wa magari wanaswa mapema Alhamisi

Imeripotiwa kuwa raia waliohudhuria mkutano wa kisiasa wa Tusla hawakuhitajika kuvaa maski wala kuzingatia masharti ya kutokaribiana lakini cha muhimu ilikuwa ni kupimwa kiwango cha joto mwilini.

Kufikia sasa, Marekani imerekodi visa milioni 2.3 vya maambukizi ya virusi vya corona na zaidi ya vifo 121, 000 vimeripotiwa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke