Waziri wa zamani afariki dunia baada ya kuugua ugonjwa wa kisukari

– Protus Momanyi mwenye umri wa miaka 87 aliaga dunia baada ya kuugua kisukari kwa muda mrefu

– Aliwahi kuwa mbunge mara mbili wa eneo la Bonchari kando na kuteuliwa kama Waziri wa Utalii na Wanyamapori enzi za marehemu rais mtaafu Daniel Moi

– Amewaacha mke Teresia Moraa na watoto wanne

Familia ya aliyekuwa mbunge wa Bonchari Protus Momanyi inaomboleza kifo chake kilichotokea Jumapili, Julai 5 baada ya kuugua kwa muda mrefu.

Hadi kifo chake Dkt Momanyi ambaye alikuwa na umri wa miaka 87 alikuwa akipokea matibabu katika hospitali ya kitaifa ya Kenyatta baada ya kuugua kisukari The Standard iliripoti.

Habari Nyingine: Zaidi ya shule 100 za binafsi kufungwa kufuatia athari za COVID-19

Protus Momanyi aliaga dunia baada ya kuugua kisukari kwa muda mrefu kulingana na familia yake. Picha: The Standard.
Source: UGC

Marehemu alishinda uchaguzi katika eneo bunge hilo mara mbili kando na kuhudumu kama Waziri wa Utalii na Wanyamapori wakati wa utawala wa marehemu rais mstaafu Daniel Moi.

Alipojitosa katika ulingo wa siasa, aliwania kiti cha ubunge cha eneo la Wanjare linalofahamika kwa sasa kama Mugirango Kusini mnamo 1969 lakini alishindwa.

Habari Nyingine: Doreen Lugaliki: Picha za kuvutia za daktari Mkenya aliyeangamizwa na COVID-19

Momanyi alijinyakulia kiti cha ubunge cha Bonchari mwaka wa 1988 na kisha akateuliwa kama naibu msaidizi katika wizara ya Uchukuzi na Mawasiliano.

Marehemu aliga dunia akipokea matibabu kaitika hospitali ya kitaifa ya Kenyatta. Picha: UGC.
Source: UGC

Mwaka wa 1992, Momanyi alishinda tena kiti hicho na akateuliwa kama waziri wa Utalii 1996 na kuhudumu hadi 1998.

Baadaye alizamia fani ya kilimo ambapo anamiliki ekari zaidi ya 200 ya ardhi na alipendelea kilimo cha maziwa na mazao.

Habari Nyingine: Mama ajuta baada ya kunaswa akigawa asali nje

Marehemu amewaacha mke Teresia Moraa na watoto wanne.

Kwa sasa familia yake inaomba msaada kutoka kwa wahisani ili kumpa mazishi ya heshima baada ya kuishiwa na hela walizokuwa nazo kugharamia matibabu yake hospitalini.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.