Atwoli apashana vikali na Khalwale kufuatia msaada wa basi wa Uhuru

– Khalwale aliwashambulia viongozi wa Magharabi mwa Kenya kwa kumtembelea Uhuru na kutoka huko na basi lenye uwezo wa kubeba watu 52

– Kulingana na Khalwale, viongozi walipaswa kuitisha mambo ya maendeleo kama ongezeko la mgao wa bajeti kwa kaunti za Magharibi mwa Kenya

– Atwoli alimjibu na kusema haikuwa vyema kwa mwanasiasa huyo kupayuka mambo kiholela

Katibu wa Muungano wa Wafanyikazi (COTU) Francis Atwoli alilumbana vikali na aliyekuwa seneta wa Kakamega Boni Khalwale kufuatia msaada wa basi Rais Uhuru Kenyatta aliizawadi timu ya Nzoia Sugar.

Malumbano hayo yalizuka baada ya Khalwale kuwakejeli viongozi wa Magharibi ya Kenya waliokutana na rais na kupewa basi lenye uwezo wa kubeba watu 52.

Habari Nyingine: Babake DJ Evolve asema Babu Owino amekuwa akimlipia mwanawe matibabu

Khalwale aliwashambulia viongozi wa Magharabi ya Kenya kwa kumtembelea Uhuru na kutoka huko na basi. Picha: Boni Khalwale.
Source: Facebook

Awali TUKO.co.ke iliripoti kuwa kiongozi wa taifa alikutana na viongozi hao jumba la Harambee Nairobi Jumatano, Julai 1 ambapo alimpa Mwenyekiti wa kampuni ya sukari ya Nzoia Sugar Joash Wamang’oli basi.

Viongozi waliohudhuria mkutano huo walikuwa magavana Wycliffe Oparanya (Kakamega), Sospeter Ojaamong (Busia), Wycliffe Wangamati (Bungoma), Wilber Ottichilo (Vihiga) na Patrick Khaemba (Trans-Nzoia).

Habari Nyingine: Waigizaji Zeddy na Sleepy David walumbana vikali kuhusu mumewe Teacher Wanjiku

Wengine ni Waziri wa Ugatuzi Eugene Wamalwa na Katibu wa COTU Francis Atwoli.

Kulingana na Khalwale, viongozi walipaswa kuitisha mambo ya maendeleo kama ongezeko la mgao wa bajeti kwa kaunti za Busia, Kakamega, Bungoma, Trans Nzoia na Vihiga ambazo kwa jumla zilitengwa KSh bilioni 40 katika mwaka wa Fedha wa 2019/2020.

“Licha ya kaunti za Busia, Kakamega, Bungoma Vihiga na Trans Nzoia kupokea bajeti ya KSh bilioni 40 kwa pamoja mwaka wa fedha wa 2019/20, jana, viongozi wetu walikwenda kwa Rais kuomba basi! Ni masikitiko makubwa. Wana bahati Uhuru hakuwachezea kama Sonko,” mwanasiasa huyo alidokeza.

Habari Nyingine: Mrembo azua kioja akidai ni mpango wa kando wa Maraga na habari zingine zenye uzito

Matamshi yake yalimkwaruza Atwoli ambaye katika siku za hivi karibuni amekuwa akileta umoja katika eneo la Magharibi ya Kenya kabla ya kura ya maoni katika mchakato wa Building Bridges Initiative.

Atwoli alipuzilia mbali matamshi ya Khalwale na kusema akili yake sio timamu. Picha: Franciz Atwoli.
Source: Facebook

“Mtu yeyote anayeweza kudhani kwamba viongozi tajika pamoja na kiomgozi wa nchi wanaweza kukutana juu ya basi hakika anahitaji kuonana na daktari. Huyo akili zake sio timamu,” akajibu Atwoli.

Majibizano hayo yalizua mdahalo mkali miongoni mwa wafuasi wao huku baadhi wakikubaliana na mwanasiasa huyo na wengine wakimuunga mkono katibu huyo.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.