Avril asema hakuzaa kupitia oparesheni bali alizaa kawaida

Judith Nyambura Mwangi almaarufu Avril ni mama wa mtoto mmoja ambaye alijifungua mwaka jana. Si mama tu wala ni msanii wa nyimbo, mwandishi wa nyimbo pia na ni muigizaji wa vipindi tofauti.

Avril akiwa katika mahojiano na Massawe Japanni alisema kuwa kulikuwa na uvumi kuwa J Blessings ndiye alikuwa baba wa mtoto wake na kwamba kuwa ni uvumi.

“Ni uvumi kuwa J Blessings ni baba wa mtoto wangu, nilikuwa nataka kuweka safari hii ya kuwa mjamzito kuwa jambo la kibinafsi,

“Sikutaka jambo hili litoke kabla sijasema mimi mwenyewe kwa maana nilitaka kutangaza mimi mwenyewe,” Alizungumza Avril.

Kabla ya kupatana na baba wa mtoto wake aliweza kuwa mpenzi wa mwananchi wa Afrika kusini kisha uhusiano wao uliweza kuisha.

“Uhusiano wetu uliisha kwa sababu nilikuwa napitia mambo mengi, huo wakati ndio baba yangu mzazi aliweza kufariki,

“Kwa hivyo niliona si vyema kuendelea na uhusiano huo ilhali nilikuwa napitia changamoto nyingi,” Alieleza Avril.

Baada ya kuzaa Avril aliweza kusaidiwa kupona na mama yake kwa maana tangu utotoni aliweza kuwa na uhusiano mwema na wazazi wake.

Baba yake aliweza kupinga kazi yake ya kuwa msanii.

“Baba yangu alipinga sana kazi yangu ya kuwa msanii kwa maana nilikuwa na shahada ya (Product and design),

“Niliweza kuhitimu katika chuo kikuu cha Nairobi, nilianza kupenda kuwa msanii nikiwa katika shule ya upili,” Alisema Avril.

Avril alisema kuwa aliweza kusikia vyema alipokuwa mama kwa maana ni jambo ambalo alikuwa amelingoja kwa muda mrefu.

Msanii huyo aliweza kusema pia baada ya miezi mitatu baada ya kuzaa aliweza kurudi katika kazi yake, alisema kuwa mama ina changamoto ambazo anajaribu kupambana nazo.

Pia Avril aliweza kukanusha madai kuwa alizaa kupitia oparesheni bali alizaa kwa njia mwafakakwa hivyo ni uvumi tu pekee.

“Nilizaa kawaida sikufanyiwa oparesheni kwa hivyo kwa wale wanasema nilifanyiwa oparesheni si ukweli,” Avril aliongea.

Aliweza kusema kuwa baba wa mtoto wake uwa anamsaidia pia huwa anaenda kumuona mtoto huyo na kwa sasa wako katika suala nzuri na baba wa mtoto.