DP Ruto akusanya viongozi wa kumpangia safari ya 2022 kuingia Ikulu

– DP Ruto anazidi kukitia makali kisu cha kumla ng’ombe wa 2022 wakati ambapo Rais Uhuru atakamilisha kipindi chake

– DP tayari ameweza kuunda kamati machachari ya kumsaidia kupanga jinsi watafaulu kuingia Ikulu

– Baadhi ya aliowavuta ni waliokuwa wandani wa Raila na Uhuru katika chaguzi zilizopita

Naibu Rais William Ruto anazidi kuunda kikosi cha makamanda ambao wataongoza vita vyake kuelekea Ikulu 2022.

Inaarifiwa DP ameweza kuwapata waliokuwa wanamikakati ndani ya kambi za Rais Uhuru Kenyatta na Raila Odinga kwenye chaguzi zilizopita.

Habari Nyingine: COVID-19: Watu 247 wanasa virusi vya corona

Naibu Rais William Ruto anaendelea kujipanga kwa siasa za 2022. Picha: William Ruto
Source: Facebook

Kulingana na gazeti la Nation, DP tayari amempata aliyekuwa mkuu wa wafanyakazi katika afisi ya aliyekuwa Waziri Mkuu Raila Odinga wakali wa serikali ya mseto Caroli Omondi.

Omondi inaarifiwa ni mmoja wa wanakamati 16 ambao wamejiunga chini ya mwavuli wa ‘kamati ya vita’ vya DP kwenye safari ya urais 2022.

Kamati hiyo ni ya watu waliotajika kwenye nyanja mbali mbali na kazi yao kwa sasa ni kuhakikisha Ruto anatwaa urais 2022.

Habari Nyingine: Atwoli ajibizana vikali na Khalwale kufuatia msaada wa basi wa Uhuru

Aliyekuwa mkuu wa wafanyakazi katika afisi ya Raila Odinga wakati wa serikali ya Mseto Caroli Omondi. Omondi kwa sasa ameingia kambi ya DP Ruto. Picha: Caroli Omondi
Source: Facebook

Wengine kenye kamati hiyo ni wanasiasa Bonny Khalwale, Johnson Muthama na aliyekuwa seneta wa Mombasa Hassan Omar.

Khalwale alisema kutakuwa na wimbi kali mara tu janga la covid-19 litatulia na mahasimu wa DP Ruto watashtuka.

“Tutawashangaza mahasimu wetu wakati tu kafyu ya kutosafiri itaondolewa,” alisema Khalwale.

Habari Nyingine: Ken Mijungu afutwa kazi NTV baada ya kuhudumu kwa miaka 7

Habari Nyingine: Text Book Centre yafungwa baada ya mfanyakazi mmoja kukutwa na COVID-19

Aliyekuwa Seneta wa Machakos Johnson Muthama sasa ni mmoja wa kamati inayounda mikakati ya DP Ruto kuingia Ikulu 2022. Picha: Citizen
Source: UGC

“Kuna mirengo miwili pekee Kenya ambao itashindana kwenye mbio za urais, mmoja ukiongozwa na Rais Uhuru Kenyatta na aliyekuwa Waziri Mkuu Raila Odinga na kiongozi wa Kanu Gideon Moi na mwingine wa Ruto na Wakenya,” alisema Muthama

David Mugonyi, Emmanuel Tallam na Dennis Itumbi inaarfiwa watakuwa wanashughulikia mawasiliano ya DP kwenye kamati hiyo.

Wengine ni aliyekuwa waziri Davis Chirchir, Korir Sing’oei ambaye atashughulikia masuala ya kisheria na Augustine Cheruiyot ambaye atamshauri DP kuhusu uzalishaji wa chakula humu nchini.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.