Connect with us

General News

Jinsi ya kutengeneza supu tamu ya malenge na krimu – Taifa Leo

Published

on


MAPISHI KIKWETU: Jinsi ya kutengeneza supu tamu ya malenge na krimu

Na MARGARET MAINA

[email protected]

MALENGE ni zao ambalo ni muhimu kiafya kutokana na sifa zake kuwa na vitamini kwa wingi na nyuzinyuzi.

Je, unajua kwamba unaweza kutumia malenge kutengeneza supu na hata krimu unayoweza kupaka kwa slesi za mkate?

Muda wa kuandaa: Dakika 10

Muda wa mapishi: Dakika 15

Walaji: 3

Vinavyohitajika

  • Malenge kilo 1
  • Maji vikombe 4
  • Kitunguu
  • Kitunguu saumu punje 5 ambazo unatakiwa uwe umeziponda
  • Vijiko 2 vya tangawizi kavu
  • Krimu ya kupikia gramu 250
  • Nyanya 2
  • Pilipili
  • Majani ya giligilani

Maelekezo

Osha malenge na uanze kuchonga kisha ukate vipande vidogovidogo.

Weka mafuta ya kupikia kwenye sufuria mekoni na yakishapata moto, weka vitunguu vilivyokatwa na uache viive vizuri kwa muda wa dakika tano mpaka vilainike lakini visiwe na rangi.

Ongeza kilo moja ya hivyo vipande vya malenge kwenye sufuria, kisha endelea kupika kwa dakika 10 huku ukikoroga mara kwa mara. Mchanganyiko huo utalainika na kugeuka rangi ya kahawia.

Mimina mililita 700 za mchuzi wa kuku kwenye sufuria na uweke chumvi na pilipili kiasi. Koroga na uendelee kupika kwa dakika 15.

Mimina mililita 150 za krimu ya kupikia kwenye sufuria, urejeshe kuchemsha, kisha suuza kwenye blenda kwa dakika mbili.

Pakua na ufurahie supu ya malenge.

Unaweza kuila kwa mkate.

Supu ya malenge na slesi za mkate. PICHA | MARGARET MAINA