Jubilee Asili ndio chama chetu kipya sasa, asema mwandani wa DP

– DP alifanya mkutano na wabunge 16 wa Jubilee katika afisa mbadala ya chama cha Jubilee

– Wandani wake wametoa taarifaza kukanganya kuhusu kuwepo mikakati ya kusajili chama kipya

– DP amekuwa hana sauti ndani ya Jubilee licha ya kuwa naibu kiongozi wa chama hicho

Sasa ni wazi kuwa huenda Naibu Rais William Ruto akajiondoa kutoka chama cha Jubilee na kuingia chama chake.

Hilo lilidhihirika Alhamisi, Juni 18, wakati DP Ruto alikutana na wabunge 16 katika afisi za Jubilee Asili Centre.

Habari Nyingine: Magazetini Ijumaa, Juni 19: Uhalisia wa mambo baada ya DP Ruto kufungua afisi ya Jubilee Asili

DP William Ruto katika picha ya awali. DP alifanya mkutano katika afisi mbadala za chama cha Jubilee.
Source: Facebook

Sasa inaaminika DP ameunda chama hicho atakachowania urais nacho ifikapo 2022 baada ya masaibu kumzidi ndani ya Jubilee.

DP ndiye naibu wa chama cha Jubilee huku Rais Uhuru Kenyatta akiwa kiongozi wa chama.

Hata hivyo, DP amekuwa akipokea kichapo kikali kisiasa kutoka kwa maafisa wengine kama vile katibu Raphael Tuju na naibu mwenyekiti David Murathe.

Habari Nyingine: Mwanamke ashtakiwa kwa kuiba simu ya M-Pesa

Naibu Rais William Ruto katika mkutano wa awali na vijana nyumbani kwake Karen. Picha: William Ruto
Source: Facebook

“Nimekuwa na chakula cha mchana na wabunge wa Jubilee ambao hivi karibuni walitolewa kwenye nyadhifa zao na kupewa wajibu mwingine. Niliwashukuru kwa kazi yao kwa chama na taifa,” alisema DP kuhusu mkutano wake na wabunge hao katika makao ya Jubilee Asili.

Huku kauli mbiu ya chama cha Jubilee ikiwa ni ‘Tuko Pamoja’, DP alimalizia ujumbe wake ‘Sote Pamoja’ katika kile kiliashiria usemi wa chama hicho kipya.

Habari Nyingine: Rais Uhuru Kenyatta afichua pombe anayoipenda

Hatua ya DP ilijiri siku moja tu baada ya Murathe na Tuju kuongoza Jubilee kutia sahihi mkataba wa ushirikiano na chama cha Wiper na CCM.

Hatua ya DP inatarajiwa kuzua hisia kali za kisiasa ndani ya Jubilee wakati ambapo Rais Kenyatta anaonekana kutangaza vita dhidi ya wandani wa Ruto.

Tayari Jubilee Asili ina ukurasa wa Facebook ambapo picha ya DP imewekwa na kutangazwa kama chama cha kisiasa.

Habari Nyingine: Magazetini Ijumaa, Juni 19: Uhalisia wa mambo baada ya DP Ruto kufungua afisi ya Jubilee Asili

Seneta Kipchumba Murkomen alisema hakuna nia ya kuunda chama mbadala na Jubilee. Picha: Kipchumba Murkomen
Source: Facebook

Seneta wa Elgeyo Marakwet Kipchumba Murkomen, hata hivyo, alisema Jubilee Asili si chama kingine mbali ni nyumba ya wanaoamini kuhusu ajenda ya awali ya Jubilee.

“Tulikuwa na mkutano na DP katika jumba la Jubilee Asili Centre. Ni makao ya wanachama wote si chama mbadala kwa Jubilee.

Ni makao ya wanachama wanaoamini kuhusu ajenda ya awali ya Jubilee,” Murkomen alisema.

Habari Nyingine: Fasheni ya mavazi ya kutamanika ya mtangazaji Massawe Jappani

Caleb Kositany alisema watasajili Jubilee Asili kama chama chao cha kisiasa. Picha: Standard
Source: Facebook

Hata hivyo, Mbunge wa Soy Caleb Kositany ambaye pia ni naibu katibu wa Jubilee alisema kuna mipango ya kusajili Jubilee Asili kama chama cha kisiasa.

“Sisi kwa Jubilee hakuna demokrasia, hakuna tena kujadiliana, imekuwa ni kama klabu ya watu wachache ambapo wanachama wanaamriwa kile watafanya. Kama hawatapinga kusajiliwa, basi tutakuwa na chama cha Jubilee Asili,” alisema Kositany.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.