Wewe ni mkora! Murathe amwambia mwanahabari baada ya kuuliza swali

Mwanahabari wa runinga ya NTV Kennedy Muriithi Jumatano,Juni 17, alijipata pabaya alipokuwa akifuatilia taarifa kuhusu vyama vya CCM na Wiper kujiunga na Jubilee.

Muriithi alikuwa na wenzake katika makao makuu ya chama cha Jubilee alipomuuliza kiongozi wa Wiper Kalonzo Musyoka swali kuhusiana na hatua ya chama chake.

Habari Nyingine: Cate Waruguru aadhibiwa na Jubilee licha ya kumtema DP Ruto

David Murathe alimuita mwanahabari wa NTV Kennegy Muriithi mkora baada yake kuuliza swali.
Source: UGC

Hata hivyo, naibu mwenyekiti wa Jubilee David Murathe alimkaripia ni kutaka asiulize swali.

“Wewe wacha … huyu ni mkora wachana na yeye,” Murathe alisema.

Ilibidi Kalonzo kuingilia kati na kumtuliza mwanahabari huyo kutoka kwa cheche za Murathe.

Habari Nyingine: Jumatano, Juni 17: Watu 184 zaidi wakutwa na COVID-19

Ripota wa runinga ya NTV alijipata pabaya baada ya naibu mwenyekiti wa Jubilee David Murathe kumkaripia hewani. Picha: KTN
Source: Facebook

“Huyu Muriithi muwache ni rafiki yangu. Endelea na swali Ken,” Kalonzo alisema.

Hata hivyo, Murathe alikata na kusema kuwa kulikuwa na hatua nyingine ya maafisa wa vyama vilivyotia sahihi mkataba huo kubadilishana stakabadhi.

Kiongozi huyo wa Wiper aliendelea kumtuliza mwanahabri huyo akimtaka asiyachukue kwa uzito yaliyokuwa yemempata.

Habari Nyingine: Seneta Malala achaguliwa mwenyekiti wa kamati ya kuskiza kesi ya Gavana Waiguru

Kalonzo Musyoka katika makao makuu ya Jubilee Juni 17. Picha: KTN
Source: Facebook

Hatimaye ripota huyo alipata nafasi ya kuuliza swali lake kwa Kalonzo akitaka kujua hatma ya Wiper ndani ya muungano wa Wiper.

“Wewe, msilete vita. Sisi hatuvunji nyumba yoyote. Na ninataka muelewe hiyo vizuri,” Murathe alimjibu.

Aidha Kalonzo alielezea kuwa kuendelea siku za usoni, huenda chama chake kikajitoa kwenye muungano wa NASA na kuingia kikamilifu ndani ya Jubilee.

Habari Nyingine: Jubilee yaingiza boksi vyama vya Wiper na CCM

Kalonzo Musyoka aliwahi kumpuuza ripota Kennedy Muriithi na kumwambia jina lake linamsaliti. Picha: NASA
Source: UGC

Kwenye hafla hiyo, Wiper na CCM vilitia sahihi mkataba wa kufanya kazi pamoja na chama cha Jubilee kwenye bunge na seneti.

Si mara ya kwanza kwa Muriithi kujipata pabaya kwani wakati ambapo siasa za NASA zilikuwa zimeshika moto 2017, Kalonzo alimpuuza na kusema swali lake lilifanana na jina lake.

“Jina lako linakusaliti,” Kalonzo alimwambia wakati huo baada ya kuulizwa swali.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690